Жиналыстар мен конференциялардағы әдеп

• мәжілістерге қатысыңыз, керекті мәселені түртіп жүруді ұмытпаңыз, сапарыңызға кеткен шығынды ақтайтындай әрекет жасаңыз, себебі, сіздің фирмаңыз сізге көңіл көтеру үшін ақша төлемейді;

• қонақта үй иелерінің қонақжайлылығын пайдалануға болмайды, ол қылығыңыз беделіңізді төмендетеді;

• кеңестерге кешікпеңіз;

• өзіңізді отырған адамдарға таныстырыңыз, артық визит карталарыңыз болса, үлестіріңіз;

• айналадағылармен тату, парасатты болыңыз;

• жақсы оқылған баяндаманы, жақсы өткен мәжілісті түртіп отырыңыз;

• егер қасыңызда әріптесіңіз немесе зайыбыңыз болса, онда оларды басқалармен таныстырып қойыңыз, себебі зайыбыңыз бен әріптесіңіз өздерін сол топтың мүшесі сезінуі тиіс;

• егер біреуге материалдар жіберуге уәде берсеңіз, онда оны кабинетке келген кезде орындауға тырысыңыз (конференция аяқталғанша талқыланған мәселелерді жазып отырыңыз);

• іссапарда өте жақсы өткен конференциямен құттықтап, ұйымдастырушыларға ашықхат жіберіңіз, ол сіздің мәдениеттілігіңізді аша түседі

3-тапсырма. Жоғарыда айтылған әдептіліктер неге үйретеді? Бір жиналыстың күн тәртібін жасаңыз.

4-тапсырма. Күн тіртібінде қаралатын мәселелер бойынша сөйлейтін адамдардың сөздеріне қатысты лексиканы дайындаңыз. Топ болып «Жиналыста» атты қойылым көрсетіңіздер.

Келіссөздер жүргізу техникасы

Сөздік:

билік – ықпал ету – күн тәртібі – парақ – талқыға салу – тәсіл –

бас тарту – тарап – орынды – уақытында – ескерту – тілмаш –

5-тапсырма. Сөздерді сөздіктен тауып, мәтінді аударыңыз.

6-тапсырма. Сөз тіркестерін мәтіннен табыңыз, көшіріп жазыңыз:

жүруіне ықпал ету –

түртіп қоюына әсер ету –

талқылаудан бас тарту –

қатысушыларға ескерту –

7-тапсырма. Жоғарыдағы зат есімдер мен етістіктерден жасалған зат есімдердің қосымшаларына және етістіктерге мән беріңіз. Мәтінге қатысы жоқ сөйлемдер құрастырыңыз.

Біздің қоғамда қағазға жазылған дүниенің бәрі бар билікті жүргізу үшін қажетті саналуда. Сондықтан, егер, сіз келіссөздердің жүруіне ықпал еткіңіз келсе, күн тәртібін жасаумен айналысыңыз. Және оны тек сіз жасаған болсаңыз көп пайдасы тиері сөзсіз. Талқыға салынатын көптеген мәселелер бойынша күн тәртібін жасау оған қатысатын адамдардың алдын-ала ескертпелер түртіп қоюына әсер етеді. Сондықтан әрбір келіссөзге қатысушының алдында бір парақ қағаздан жатқаны дұрыс.

Күн тәртібі – келіссөздерді басқарудың тамаша тәсілі, себебі, ол қатысушы үшін жайсыз көрінетін кейбір мәселелерді талқылаудан бас тартуынан қорғайды. Егер, сіз, бір тақырыпты талқылағыңыз келмесе немесе дайын болмасаңыз онда оны күн тәртібіне қойып қажеті жоқ. Ал келіссөздер сіздің территорияңызда немесе оны жүргізудің иесі сіз болсаңыз ғана қатысушыларға күн тәртібін ұсыну сіздің тарапыңыздан болғаны орынды. Күн тәртібіндегі мәселелер саны келіссөздердің созылуына ықпал етеді. Егер, сіз, келіссөздердің уақытында аяталғанын қаласаңыз, ол туралы қатысушыларға бастамай тұрып ескерткен жөн. Сонымен қатар, қатысушылардың регламентін жасау маңызды. Бірақ келіссөз уақыты шын мәнінде қажет уақыттан артығырақ жоспарланғаны дұрыс. Себебі, келіссөзге шетелдіктер қатысқан жағдайда уақыттың көбі бірін-бірі түсінуге және тілмаштың аудармасына кетеді.

8-тапсырма. Мәтінді аударыңыз, кез-келген тақырыпқа келіссөз ұйымдастырып, оның күн тәртібін жасаңыз.

9-тапсырма. Өзіңіз жасаған күн тәртібі бойынша келіссөз жүргізіп көріңіз. Мына лексиканы пайдаланыңыз: мәселе қарау, пікірін тыңдау, келісу, ықпал ету, талқыға салу, қол алысу, қол қою

БӨЖ