Тапсырмалар:

1 тапсырма: Төменде берілген тесттерге жауап жазу қажет:

1. Салықтардың фискалды функциясы:

А) мемлекеттік бюджетке жұмылдырылған мемлекеттің ақшалай табыстарының қалыптасуымен тікелей байланысты;

Б) бұл функция біртіндеп тартылатын функция болып табылады;

В) бұл ақшалай табыстарды қайта бөлумен байланысты;

Г) салық төлеушілердің қаржы -шаруашылық қызметін бақылаумен байланысты;

Д) әлеуметтік мақсатты көздейді.

2. Алым - бұл:

А) белгілі бір қызмет түрін бастар алдында немесе осы қызмет түріне құқық берер кезде төленетін міндетті төлем.

Б) мемлекет сұранысын қанғаттандыру мақсатында ақшалардың қозғалуы;

В) мемлекет меншігіндегі объектілерді пайдаланғаны үшін төлем;

Г) мәжбүрлі сипатқа ие мемлекет бекіткен төлем;

Д) ақша иесінен өз еркімен мемлекетке түсетін ақшалай төлем.

3. Салықтың реттеушілік функциясы мемлекеттің экономикалық функциясының кеңейуімен бірге пайда болды және ол:

А) амортизациялық саясатқа, инвестициялық жеңілдік, салық ставкаларын төмендету саясатына сүйене отырып, капиталдың жедел жинақталуына мүмкіндік береді;

Б) төлем сұранысы құрылымын және оның көлемін өзгертеді;

В) салық төлеушілдерден орталықтандырылған мемлекеттің қаржы қорына қаражаттар алу;

Г) қабылданған бағдарламаға сәйкес шаруашылықтың дамуына тікелей әсер етеді;

Д) азаматтардың түрлі категориясы арасындағы қоғамдық табыстарды бөлу.

4. Салық ставкалары:

А) тұрақты, проценттік (пропорционалды, прогрессивті, регрессивті);

Б) пропорционалды, прогрессивті;

В) пропорционалды, регрессивті;

Г) пропорционалды, прогрессивті, регрессивті;

Д) прогрессивті, біркелкі болып келеді.

5. Салықтан босатылатын объектінің ең төменгі бөлігі:

А) салық салынбайтын минимум

Б) салықтық ауыртпалық;

В) салықтық оклад;

Г) салық салынатын салық квотасы;

Д) салық салынатын минимум.

8. Ұйымдардың бюджетпен мүлік салығы бойынша есеп айырысу шоты қандай?

А) 3180

Б) 3110

В) 3120

Г) 3150

Д) 3130

9. Төменде аталаған тұлғалардың қайсысы көлік құралдарына салынатын салық бойынша салық төлеуші болып табылады:

А) зейнеткерлер;

Б) Ауылшаруашылық құрылымынан шыққан кезде пәй ретінде алған көлік құралдары бойынша жеке тұлғалар;

В) 1 және 2 топтағы мүгедектер;

Г) 3 топтағы мүгедектер;

Д) ҰОС қатысушылары.

10. ҚР көлік құралдарына салынатын салықтар бойынша салық салу объектісі болып:

А) ҚР есепке тұрған көлік құралдары;

Б) автомобильдердің двигательдерінің көлемі;

В) двигательдердің күштілігі;

Г) барлық көлік құралдары;

Д) автокөліктер, автобустар, жүк мәшинелері.

2 тапсырма: Төмендегі берілген мәліметтердің негізінде мына тапсырмаларды орындаңыз:

1) Шаруашылық операцияларына бухгалтерлік жазу беріңіздер.

2) Шоттардың баптапқы қалдықтары және айналымдары негізінде шоттағы соңғы қалдықты анықтаңыздар

3) Айналым ведомостісін жасаңыздар

4) Соңғы балансты табыңыздар.

5) ұйымның бюджетке төлеуге тиісті салықтарын есептеп, бюджетке аударыңыздар.

6) Ұйымның қаржылық нәтижесін анықтаңыздар.

«Жанар» ЖШС-нің 2013 жылдың 4-ші тоқсаны бойынша бастапқы баланс. (мың теңге)

Актив	Сомасы	Пассив	Сомасы
Кассадағы ақша	12300	Жарғылық қор	29800
Шикізаттар	12600	Қорытынды пайда	10000
Банк шотындағы ақша	20000	Еңбек ақы бойынша кредиторлық қарыз	35100
Сатып алушылардың қысқа мерзімді дебиторлық қарызы (ҚМДҚ)	20000	Банк несиесі	20000
Машиналар мен құрылғылар	30000
Баланс	94900	Баланс	94900

«Әсет» ЖШС-нің 2013 жылдың 2-ші тоқсаны бойынша болған шаруашылық операциялары

№	Операциялар	сомасы	Дт	Кт
1	Сатып алушыларға келісім шарт бойынша сату бағасымен тауарлар жөнелтілді Соның ішінде ҚҚС (12%)	23540 2824
2	Негізгі өндіріске шикізаттар жұмсалынды	12600
3	Сатып алушылардың дебиторлық қарызы банктік есеп шотқа түсті	13540
4	Кассадағы нақты ақшаға канц. тауарлар алынды	50
5	Есепті жылдың пайдасы есебінен резервтік қор жасақталынды	5450
6	Сатып алушылардың дебиторлық қарызы кассаға алынды	15000
7	Ұйымның кассасынан жұмысшыларға еңбек ақы төленді	23130
8	Есеп шоттан банк несиесі қайтарылды	12345
9	Өнімді сатудан кіріс қорытынды пайдаға апарылды (ҚҚС-сыз)	23540
10	Қосылған құн салығы бюджетке төленді	2824
11	Есепті мерзімнің соңында аяқталмаған өндіріс қалдығы анықталынды	12600

Тақырып бойынша бақылау сұрақтары:

1. Салықтық нысандар.

2. Салық нысандарын құру тәртіптері.

3. Салық есептілігі және оның түрлері.

4. Салық есептілігін жасау ерекшеліктері.

6 – ТӘЖІРИБЕЛІК САБАҚ

6 Тақырып: Салық есебінің ережелері және салық есептілігі.

Тақырып бойынша келесі сұрақтарды қарастыру:

1. Салық есебінің ережелері.

2. Есеп құжаттамасын жасау және сақтау.

3. Бөлек есеп және оны жүргізу.

4. Салық есептілігі.

5. Салық есептілігін жасау және табыс ету тәртібі.

6. Салық декларациясын табыс ету тәртіптері.

ТАПСЫРМАЛАР:

1. Оқытушының төменде берген анықтамаларына тест сұрақтарын дайындап, және осы анықтамаларды толықтырып жазып келу қажет:

1. Салық есептілігін салық төлеуші, салық агенті не олардың өкілдері Салық Кодексіке сәйкес уәкілетті мемлекеттік орган белгілеген тәртіппен және нысандар бойынша дербес жасайды.

2. Салық есептілігі қағазда және (немесе) электрондық көздерде мемлекеттік тілде немесе орыс тілінде жасалады. Салық есептілігі электрондық көздерде жасалған кезде салық төлеуші, салық агенті салық органдарының талап етуі бойынша осындай құжаттардың қағазға түсірілген көшірмелерін табыс етуге міндетті.

3. Қағазға түсірілген салық есептілігіне салық төлеуші, салық агенті (басшы және бас бухгалтер) қол қоюға, сондай-ақ ол салық төлеушінің, салық агентінің мөрімен расталуға тиіс. Салық есептілігі электронды түрде жасалған кезде электрондық құжат салық төлеушінің электрондық цифрлық қолтаңбасымен куәландырылуға тиіс. Салық төлеуші — жеке тұлғаның өзі болмаған не ол іс-әрекетке қабілетсіз болған жағдайда салық есептілігіне оныңөкілі қол қойып, куәландырады.

4. Салық төлеушінің, салық агентінің салық есептілігін жасау жөнінде қызмет көрсететін өкілі оған қол қойып, мөр басуға және өзінің салық төлеуші ретінде тіркеу нөмірін көрсетуге міндетті.

5. Салық төлеуші, салық агенті салық есептілігін жасаған кезде, оның ішінде мұндай есептілікті оның өкілі жасаған жағдайда, салық есептілігінде көрсетілген деректердің дұрыстығы үшін жауаптылық салық төлеушіге, салық агентіне жүктеледі.

6. Салық төлеуші, салық агенті салық есептілігін тиісті салық органдарына Салық Кодексіте белгіленген тәртіппен және мерзімде табыс етеді.

7. Салық төлеуші (заңды тұлға) қайта ұйымдастырылғанда, таратылғанда қайта ұйымдастырылған, таратылған әрбір салық төлеушіге салық кезеңі басталғаннан қайта ұйымдастырылу немесе тарату аяқталған күнге дейін тиісінше бөлу, тарату және өткізу баланстарының негізінде салық есептілігі бөлек-бөлек жасалады. Мұндай есептілік салық органдарына қайта ұйымдастыру немесе тарату туралы шешім қабылданған күннен бастап он бес күн ішінде табыс етіледі.

8. Құжаттарды салық органы қабылдаған күн немесе есептілік жөнелтілімі электрондық почта арқылы жеткізілгендігі туралы хабарланған күн салық есептілігі салық органына табыс етілген күн болып табылады.

9. Почта ұйымына немесе өзге де байланыс ұйымына Салық Кодексіте белгіленген мерзімнің соңғы күнінде сағат жиырма төртке дейін тапсырылған салық есептілігі почта немесе өзге де байланыс ұйымының қабылдаған уақыты мен күні қойылған белгісі болса, мерзімінде табыс етілген деп саналады.

10. Салық есептілігі алдын ала камералдық бақылаусыз қабылданады.

Егер салық есептілігінде:салық төлеушінің тіркеу нөмірі көрсетілмесе не дұрыс көрсетілмесе; салық кезеңі көрсетілмесе; осы баптың қолтаңба мен салық есептілігін куәландыруға қатысты талаптары бұзылса, салық есептілігі салық органына берілмеген болып есептеледі.

7 – ТӘЖІРИБЕЛІК САБАҚ