1. Мийяр-Гублер (алмасушы) айқасушы синдромы.

Ми бағанында бет нервінің ядросымен қоса пирамида жолы зақымданғандықтан зақымданған жақта бет бұлшық еттері сал болып қалады да, қарама-қарсы жағында сіреспелі гемиплегия немесе гемипарез болады

2. Көпір-мишық бұрышының зақымдануы.

Үшкіл нерв, бет немесе есту нервтері қосарлана зақымдануына байланысты зақымданған жақта беттің сезімділігі жойылады және оның бұлшық еттері сал болып қалады, есту қабілеті төмендейді (гипакузия) немесе естімей қалады (анакузия), дененің тепе-тендігі жойылады (атаксия).

3. Егер көпір-мишық бұрышын зақымдандыратын ошақ ми бағанын жаныша әсер ететін

болса, онда зақымданған жақта мишық атаксиясы, ал қарама-қарсы жағында сіреспелі гемиплегия немесе гемипарез болады.

4. Фаллопий каналында бет нервінен үлкен тастық нерв бөлінгенге дейін зақымданса бет бұлшық еттері сал болып қалуымен қатар көз жанары құрғайды, тілдің алдыңғы 2/3 бөлігінде дәм сезу қабілеті күшейеді (гипергевзия) немесе төмендейді (гипогевзия).

5. Фаллопий каналында бет нерві үлкен тастық нерв бөлінетін жерінен төмен, бірақ үзеңгілік нерв бөлінетін тұсынан жоғары за-қымданса, жоғарыда келтірілген симптомдар қайталанады да, бірақ көз құрғамайды, керісінше кезден жас ағатын болады.

6. Фаллопий каналында бет нерві үзеңгілік нерв бөлінетін тұсынан төмен, бірақ дабыл шегінің шығатын тұсынан жоғары зақымданса, бет бұлшық еттері солып сал болуымен қоса тілдің алдыңғы 2/3 бөлігінде дәм сезінуі бұзылады, көзден жас ағады.

7. Бет нерві істік тәрізді өсіктің тесігі тұсында зақымданса бет бұлшық еттері солып сал болуымен қоса көзден жас парлайды.

Бет нервінің орталық неврондары бір жағынан зақымданса, зақымданған жағына қарсы бет құбылысын атқаратын бұлшық еттердің төменгі бөлігінің қызметі әлсірейді, ерін аймағындағы әжім ұлғаяды, езуі төмендеп босайды (Шарконың «леп белгісі» симптомы).

Есту анализаторын тексеру.

1. Есту қабілетін тексеру үшін дәрігер сырқатты 5-7 м қашықтыққа қойып, әр құлағына бағыттап сыбырлайды.

2. Вебер мен Ринне тәсілдерімен камертон сылдыратып тексереді.

3. Есту паспортын толтыру.

Вестибулярлық анализаторлы

тексеру.

1. Көзі ашылған және жабылған кезінде сырқатты тура жүргізеді де қандай ауытқушылық бар екенін байқайды.

2. Айналдыру және калорикалық сынағы көмегімен экспе-рименттік нистагмды тексереді.

3. Ромберг кейпінде сырқаттың қалай тұратындығын тексереді.

Есту анализаторының әр деңгейде зақымдану симптомдары

Есту нервінің жартылай зақымдануы кезінде есту қабілеті төмендейді (гипакузия) немесе саңырау болып қалады (анакузия).

Есту нервінің ми бағанындағы алдыңғы және үстіңгі ядролары зақынданса, зақымданған жақтағы құлағы мүлде естімей қалады

(анакузия).

Есту анализаторының ми қыртысына тоғысатын ұшы зақымданса, жалған дыбыстар естіледі (қарапайым дыбыстардан бастап музыкалық әуендер типтес күрделі дыбыстарға дейін), кейде осының соңынан іле эпилетивтік ұстама болады.

Вестибулярлық анализатор зақымдануына байланысты дененің тепе-тендігі бұзылуымен (вестибулярлық атаксия) қоса қосымша белгілер болады. Олар бас айналу, лоқсып құсу, жүрек соғуының баяулауы. Вестибулярлық анализатордың зақымдану деңгейін қосымша симптомдар арқылы ғана анықтауға болады.