2.15 Сурет – Осциллоскоп құрылғысының принциптік сұлбасы

Сонымен, үзгіш түйіндесуінің саңылауы осциллограмма бойынша үзгіштің бағдартқыш иінінің бұрылу шегіндегі түйіндесулердің алшақ күйдегі бірінші кернеу бұрышы анықтайды. Саңылаудың үлкеюімен түйіндесулер күйінің алшақ бұрышы да ұлғаяды, одан бірінші және екінші кернеу азаяды. Кернеудің екінші тізбектегі тербелісі арқылы оталдырудың индукциялық шарғысының күйін бағалайды. Орама аралық тұйықталу кезінде бірінші тербеліс орамасы әлсірейді немесе жоғалады.

2.16 Сурет – Батареялы оталдыру жүйесінің бірінші және екінші тізбектеріндегі үрдістер осциллограммасы

2.17 Сурет – Электронды оталдыру жүйесінің бірінші және екінші тізбектеріндегі үрдістер осциллограммасы

Егер кернеудің кенеттен шығарылуы байқалмаса, онда ол үзгіш түйісудің нашар күйін көрсетеді. Ауытқудың байқалмауы екінші орамадағы орамаралық тұйықталуды көрсетеді. Әртүрлі цилиндрлердің осциллограммаларын салыстырған кезде, олардың айырмашылықтарын байқауға болады, ал цилиндрлердің ретті жұмысы арқылы ақаудың орнын оңай табуға болады

2.2-кесте

Оталдыру жүйесіндегі ақауларды жою тәсілдері:

Себеп	Жою тәсілдері
Ұшқын жоқ, бөлгіш қақпағы ылғалды және лас	Оталдыру бөлгішінің қақпағын тазалап, кептіру, ішкі жағына аэрозоль себу.
Бөлгіш қақпағындағы сызаттар, қатты қызу жолдары	Оталдыру бөлгішінің қақпағын ауыстыру
Бөлгіш қақпағындағы көмір түйісуінің тозуы	Көмір түйісуін ауыстыру
Бөлгіш жүгіргішінің ақауы	Жүгіргішті ауыстыру
Бөлгіш жүгіргішінің жоғары қарсыласуы	Жүгіргішті ауыстыру
Оталдыру сымының немесе білте ұштығының жоғары қарсыласуы	Оталдыру сымын немесе білте ұштығын ауыстыру
Білте ұштығы бірізді емес тізбекте қондырылған	Білте ұштығын оталдырудың 1-3-4-2 бірізділігімен орналастыру
Қозғалтқыштың бірнеше әрекетінен білтенің ылғалдануы	Оталдыру білтелерін шешу, оларды кептіру
Оталдыру білтелері ылғалды және лас	Білтелерді тазалау, кептіру, білтеге және ұштыққа силиконды қорғауыш қалпақша кигізу
Оталдыру шарғысы қуатының жетіспеушілігі	Оталдыру шарғысы сымдарының қосылу сенімділігі мен түйісуін тексеру
Оталдыру шарғысындағы сызаттары, қатты қызу жолдары	Оталдыру шарғысын ауыстыру
Қозғалтқыш шлангілерінің электр сымдары мен түйіндесуге жанасуы әсерінен кернеудің жоғалуы	Электр сымдарын дұрыс төсеу
Басқару блогын қоректендірудің болмай қалуы	Негізгі реле арқылы аккумулятордан басқару блогына дейінгі сымды электр сұлбасы арқылы тексеру
Басқару блогындағы массаны қосудың үзілуі	Басқару блогындағы жалғағышқа келетін массаның берілісін тексеру
Индукциялы қадаға импульсының ақауы	Қарсылықты тексеру, қажет болған жағдайда қадаға мен электр сымдарын ауыстыру

Оталдырудың алдын орау бұрышын φ° тексеру мен реттеуді келесідей жасайды. Таңбалардың сәйкестігі бойынша істен шыққан қозғалтқышта бастапқы бұрыштың ірі бекітуін жүргізіледі. Жұмыс істеп тұрған қозғалтқышқа байланысты жылдамдықты және жүктемелі режимдегі ортадан тепкіш және вакуумдық реттегіштермен алдын орау бұрышы түзетіледі. Сондықтан оны тексеру мен ақырғы реттегішін қозғалтқыштың түрлі режимдегі жұмысының динамикасында тексеру қажет.

Жұмыс істеп тұрған қозғалтқышта алдын ору бұрыштарын тексеруді страбоскопиялық аспаптардың көмегімен жасайды (2.18-сурет). Олардың жұмыс істеу қағидасы адамның көз көру инерциясының физиологиясы мен қысқа импульсты жарықтың сәулеленуі кезінде қозғалыстағы дененің өзгеру күйіне жылдам бейімделуі мүмкін емес (шамамен 1/5000 с.) Әрбір кезеңнің басындағы айнымалы бөлшекті жарықтың жарқылымен жарықтандырғанда бұл бөлшек қозғалыссыз күйде көрінеді.

Стробоскоптар алдын орау бұрышын тікелей градуспен анықтайды. t уақыттан кейін қайталанатын бірінші білтенің U_n,сигналы мен қозғалтқыштың иінді білігінің айнымалы жиілігіне кері пропорционал, 5 қалыптасқан каскад арқылы 6 құрылғыға беріледі, қажетті кедергі уақытын Т бергіш басқару блогынан 8 жарқыл шамның 9 істен шығуы.