Күтілетін нәтижелер:

- кейбір жануарларды шынайы тұрғыда, суреттерден, ойыншықтардантаниды және атайды, олардың дауыстарына еліктейді;

- қоршаған ортадағы және суреттегі заттарды таниды;

- шөп, гүлдерді, ағаштарды ажыратады және оларға қамқорлық танытады;

- нақты түстегі гүлді табады,ересектің көмегімен гүлді, ағашты, шөпті көрсетеді;

- кейбір көкөністер мен жемістер жайлы біледі, оларды суреттерде және шынайы таниды;

- табиғат құбылыстарын атайды;

- су мен құмның қасиеттері жайлы ұғымдарға ие.

«ШЫҒАРМАШЫЛЫҚ» білім беру саласы

«Шығармашылық» білім беру саласының базалық мазмұны:

- сурет салу;

- мүсіндеу;

- музыка ұйымдастырылған оқу қызметінде жүзеге асырылады.

Мақсаты: балалардың танымдық, шығармашылық, музыкалық қабілеттерін қалыптастыру.

Міндеттері:

- өнімді әрекеттерге қызығушылықтарын ояту;

- балалардың байқампаздығын дамыту;

- көрнекі-қимылдық ойлауды, есті, қиялды, зейінді, қабылдауды дамыту;

- қоршаған орта туралы түсініктерін және сенсорлық қабілеттерін қалыптастыру.

Сурет салу

Әртүрлі заттарды құруда аталған жастағы балалар үшін қолжетімді бейнелеу құралдары арқылы балалардың шығармашылық қабілеттерін қалыптастыру. Бейнелеу тәсілдерін үйрету.

Сурет салуда қолданылатын құралдар және материалдар, бейнелеу өнері туралы түсінік қалыптастыру.

1 жастан 1 жас 6 айға дейін

Сурет салуға балалардың қызығушылығын тәрбиелеу.

Балаларды үйрету;

- бояулардың ашық түстерін эмоциялы қабылдауларын;

- қарындаштармен, фломастерлермен сурет салуды;

- қағаз бетін ашық түсті дақтармен, жақпалармен толтыруды;

- бояу жағылған саусақпен қағазға сурет салуды үйрету.

1 жас 6 айдан - 2 жасқа дейін

Балаларды үйрету;

- 4 негізгі түстерді (қызыл, көк, сары, жасыл) қолдануға;

- қағаз бетіне бейнелерді дұрыс орналастыру;

- қарындашпен,фломастермен жұмыс жасауға техникасына;

- бояу жағылған саусақпен және алақанмен қағазға сурет салуды үйрету.

Күтілетін нәтижелер:

- өзінің жеке тәжірибесіне, біліміне, қиялына сүйеніп, тапсырмаларды орындай алады;

- сурет салудың техникасы,сурет салуда қолданылатын материалдар

туралы түсініктерге ие;

- бояулардың ашық түстеріне эмоциалы жауап береді;

- қағаздағы қарындаштар пен фломастерлердің іздерін байқайды;

- қарындашпен, фломастермен сурет салуға ынта білдіреді;

- қағаз парағын ашық түсті дақтармен, жақпалармен ырғақты түрде толтырады;

- қағаз бетіне алақанымен ұқыпты баса біледі.

Мүсіндеу

1 жастан 1 жас 6 айға дейін

Бұл жастағы балалар сазбалшықпен, оның қасиеттерімен танысады.

Үйренеді:

• ермексаздың, сазбалшықтың кесектерін алақан арасында домалатуды;

• алақан арасында «шарлар» жасауды;

• жалпақ, дөңгелек пішіндерді мүсіндей білуге.

1 Жас 6 айдан - 2 жасқа дейін

Үйренеді:

- ермексазды, сазбалшықты алақан арасына ала білуді;

- өз тілегі бойынша алынған пішіндерді құрастыруды;

- жалпақ, дөңгелек пішіндерді мүсіндей білуге;

- қолданылған материалдарға ұқыпты қарым-қатынас жасай білуге.

Күтілетін нәтижелер:

- сазбалшықты алақан арасында домалата алады;

- жалпақ дөңгелек пішіндерді мүсіндейді;

- тәрбиешінің көрсетуі бойынша алынған пішіндерді құрастыра біледі.

Музыка

Музыкаға, ән салуға, музыкалық-ырғақтық қимылдарға қызығушылықтарын қалыптастыру.

1 жастан 1 жас 6 айға дейін

Балалар үйренеді:

- мазмұны бойынша жақын әндерді тыңдауды, олардың көңіл- күйіне эмоционалды үн қатуды, оларды сәйкесінше қимылдармен көрсетуді;

- фортепианода 3–4 минуттық үзілістермен, 20–40 секунд үздіксіз орындалатын, сондай-ақ балалар музыкалық аспаптарда орындалатын әуендерді тыңдауды;

- дыбысқа еліктеулерді қайталау, әндегі жекелеген сөздерді айтуды;

- ересектердің созылыңқы айтқан екпіндерге еліктеу, тіркестердің соңын қосылып айтуды;

- әндегі қайталанып айтылатын интонацияларды әндетіп айтуды;

- педагогтың айтқан әнімен жүруді;

- қарапайым бейнелі қимылдарды көрсету, музыкамен сылдырмақты сылдырлатуды, бубенді соғуды;

- сюжетті ойыншықтардың музыкалық-қимылдық көрсетілімдерін көруді;

- ересектердің көрсетуі бойынша қарапайым би қимылдарын орындау, әннің сөзі мен музыка сипаты бойынша, көрсетусіз қимылдарды елестетуді;

- сүйемелдейтін әннің сөздеріне байланысты екі қимылдың ауысуын есте сақтау, осы қимылдарды алдымен ересектің көрсетуімен, кейіннен әннің сөзі бойынша орындауды үйренеді.