Аяқкиім үстінің дайындамаларын дымқылдандыруға арналған роторлы қондырғылардың техникалық сипаттамасы.

Ярустарды орналасқан дайындамалардағы ылғалдың өсуі, пайыз

бірінші яруста 10

басқаларда 4-6

Хроммен иленген былғарыдан жасалған дайындамаларды дымқылдандыру

уақыты, сағат 1,5

сиымдылығы, жұп дайындамалар 288-320

диаметрі, м 1,5

биіктігі, м 3,3

Жұмыс кеңістігіне форсункамен бүркіген су тұман құрайтын қондырғыларды аяқкиім үстінің материалын дымқылдандыруға қолданады, бірақ со­ны­мен қатар аяқкиім асты бөлшектерін қа­лыптау алдында дым­қылдандыру үшін де қолдануға болады /4.11 сурет/.

4.11. сур. Аяқкиім үстінің дайында-асын сулы тұман мен ылғалдауға арналған қондырғы- ның схемасы.

Қондырғының қаң­қа­сы цилиндр 1 пішінді болып орындалған. Қаң­қаның ішінде ор­та­лық айналмалы ме­талл құбыры 2 бар, оған әр қатарында алтыдан тіреуіші 3 бар төрт қатар бекітілген. Қаңқаның төменгі бө­лігінде тұғырық 4 орна­ласқан, оған 18-20ºС температураға дейін қыздырылған су құйылады /тұғырық 7 қақпағынан 2-3 см төмен/.

Қондырғының астында ауаны құбырға 2 айдап тұратын компрессор 5 ілінген. Су тұғырықтан құбырдың төменгі бөлігінде орналасқан форсунка 8 арқылы сығылған ауамен шашыратылады. Шашыратылған су аяқкиім үстінің дайындамасына төбеге ілінген және күмбез пішінді сорғышпен 6 беріледі. Судың ірі тамшылары құбырмен тұғырыққа ағады да, шашыратуға қайта жіберіледі. Судың шашырау дәрежесі сығылған ауаның қысымымен реттеледі.

Казеин жабыны бар хроммен иленген былғарыларының дайындамаларын бұл қондырғыларда дымқылдандырмаған дұрыс.

Аяқкиім үстінің дайындамаларын су тұманымен дымқылдандыруға арналған қондырғылардың техникалық сипаттамасы

Ылғалдың өсуі, пайыз 5-7

Хроммен иленген былғарыдан жасалған аяқкиім

Аяқкиім үстінің дайындамаларын дымқылдандыру уақыты, сағ 1,5

Сиымдылығы, дайындамалар жұбы

Қысқа қонышты бәтеңкелер мен туфли 240

Бәтеңкелер мен қысқы қонышты етіктер 120

Аяқкиім үстінің дайындамасының материалын дымқыл­дан­дыру үрдісін үдете түсу үшін, оларды алдын-ала вакуумдейді, соның нәтижесінде ылғалдың енуіне кедергі болатын былғарының саңылауларынан ауа ұшып кетеді.

Аяқкиім үстінің материалдың дайындамасының материалын вакуум ішінде дымқылдандыру үрдісін қарқындылау әдісі схемасы 4.12 суретте көрсетілген қондырғыда жасалынған.

Қондырғының екі вакуумды 1 және 15 камералары, тиеу-түсіру 20 бөліктері, пневмоцилиндрден 17 жетегі бар қақпағы 18, вакуумды сорғышы 7, бу генераторы 4, вакуумдалған қуыстары 10, төмен температуралы қоздырғыштары 21 және автоматтық басқару жүйелері 14 бар. Автоматтық басқару жүйесі вакуумды сорғыштан 7 жоғарғы вакуумдық камераның 1 бөлік қақпағынан 5, вакуумды сорғыштан 7 төменгі вакуумдық камераның 15 бөлік қақпағынан 9, ауа жіберу 2 және 13 қақпақтарынан, бу генераторына 4 су жіберуді мөлшерлегіш қақпағынан 6, бу генераторын 4 вакуум камераларымен 1 және 15 жалғайтын қосқышынан 11 вакуумдалған қуыстардан 10 4.12. сур. Аяқкиім үстінің дайындамасын вакуумда ылғалдауға арналған қондырғының схемасы, төменгі вакуумдық камераның 15 бөлік қақпағынан 12, вакуумды сорғыштан 7 вакуумдалған қуыстың 10 бөлік қақпағынан 8 тұрады.

Қондырғы былай жұмыс істейді. Тиеу-түсіру бөлігінде 20 орна­ласқан ілгіштерге 19 аяқкиім үстінің дайындамаларын 16 іледі. Екі қолмен қосқыштарды басады, сол кезде, аяқкиім үстінің дайын­да­маларымен бірге қақпақ 18 пневмоцилиндрлармен 17 жоғары көтеріледі. Аяқкиім үстінің дайындамалары жоғарғы вакуум каме­расына 1 келіп түседі.

Жылжымалы қақпақтың жылжуымен бірге камераларға ауа кірмеуі ету үшін, қосқыш 11 бу генераторын 4 камерамен 1 қосады, ол төменгі вакуум камерасына 15 ауа жібергіш қақпақ 13 жабылады. Жоғарғы вакуум камерасын 1 ауа кірместей еткен соң, оны сорғышпен 7 қосатын қақпақ 5, және камераны 1 вакуумдалған қуыспен 10 қосатын қақпақ 3 ашылады да, вакуумдалған қуысты 10 сорғышпен 7 қосатын қақпақ жабылады. Бұл кезде жоғарғы камераның вакуумдалуы жүреді. Жеткілікті вакуумге жеткен соң, қақпақ 5 жоғарғы камераны 1 сорғыштан 7, қақпақ 3 жоғары камераны 1 вакуумдалған қуыстан 10 айырады, қақпақ 8 вакуумдалған қуысты 10 сорғышпен қосады. Бу генераторына 4 суды жіберуді мөлшерлегіш қақпақ 6 қосылады. Жоғарғы вакуум камерасына бу қабырғалардағы саңылаулар арқылы келіп тұрады. Камерадағы бу қысымы берілген уақыт ішінде нақты бір анықталған деңгейге дейін біртіндеп көтеріліп отырады. Жоғарғы камерада 1 бу берілген қысымға жеткен соң, бу генераторына 4 су жіберуді мөлшерлегіш қақпақ 6 ажыратылады. Дымқылдандырудың орнатылған технологиялық уақыты біткеннен кейін, жоғарғы камераға ауа жібергіш қақпақ 2 қосылады. Жоғарғы камерадағы 1 қысым атмосфералық қысыммен теңестіріледі.

Жоғарғы вакуум камерасында 1 аяқкиім үстінің дайындамалары дымқылданып жатқанда, тиеу-түсіру бөлігі 20 жылжымалы қақ­па­ғы­ның 18 екінші жағындағы ілгіштерге 19 басқа дайындамалар ілінеді.

Дымқылдандыру тізбегі толық аяқталған кезде, тағы да қосқыштарды басады, ол кезде камераларды ауа кірместей ететін қақпақ 18 пневмоцилиндрлермен 17 төменгі күйге ауысады.

Бұл жағдайда төменгі вакуум камерасына 15 дымқылдандыру үшін, дайындамалар салынса, жоғарғы вакуум камерасынан 1 тиеу-түсіру бөлігіне дымқылдандырылған дайындамалар шығады.

Қондырғы хроммен иленген былғарыны 5 минут ішінде 26 пайызға дымқылдандыра алады.

Түйістіріп /термодиффузиялық/ дымқылдандыру тәсіліне арналған өнеркәсіптік қондырғыларды екі түрлі етіп, шығарады.

Қондырғының бірінші түрі дымқыл матаның ылғал /4.13 а сурет/ тасымалдаушынан және екі төстен (плитадан) тұрады: біреуі қыздырылады, екіншісі суық, диафрагма пішінді төс, не суытылады, не болмаса температурасын ұстайды. Аяқкиім үстінің дайындамасы тұмсық шоғыр бөлігімен дымқыл мата үстіне қойылады. Суық төс дайындаманы матаға және ыстық төске қысады.

4.13. сур. Аяқкиім үстінің дайындамасын ұласқан тә­сілмен ылғалдауға ар­нал­ған қондырғының схе­масы:

1- ыстық тақта; 2- қыз­дырғаш; 3- суық тақта; 4- былғары; 5- мата; 6- пер­форациялық тақта; 7- су.

Қондырғының екінші түрінде бу түріндегі ылғал /4.13 б сурет/ тесігі бар перфоланған төс арқылы аяқкиім үстінің дайындамасының тікелей ішкі жағына беріледі. Қондырғыда бу суды қайнағанша қыздырған кезде құралады немесе сырттан беріледі. Суық төс қатаң қысқыш немесе ыстық төс формасы бойынша аяқкиім үстінің дайындамасын қысып тұратын резеңке диафрагма түрінде орын­далады.