Дене шынықтыру ұйымдастырылған оқу–іс-әрекетінің технологиялық картасы

Күні:

«Ертегіде қонақта » атты спорттық мерекесі.

Мақсаттары:

1. Балалардың жылдамдық қасиеттерін дамыту.

2. Сенімді қатынастарды нығайтуға бағыттау.

3. 3.Көзбен мөлшерлей білу дағдыларын дамыту.

4. Баланың спортқа ұмтылысын, қызығушылығын қолдау.

Қүрал-жабдықтары: себеттер, қысқа сапты ойыншық найзалар, шарлар, қағаздан жасалған гүлдер, кішкентай доптар.

Өткізлетін орыны; спортзал.

Мерекенің барысы:

Музыканың әуенімен балалар спортзалға кіреді және орындарына барып отырады.

Жүргізуші: Сәлеметсіздер ме, құрметті қонақтар мен жарысқа қатысушылар! Балалар, сендер ертегіні ұнатасыңдар ма? Ата-аналар, сіздер балаларыңызға ертегіні жиі оқып бересіздер ме? Ата-аналар, сіздерге ертегіден жұмбақтар оқылады. Қандай ертегінің үзіндісі екенін айтасыздар.

Көрпе де қашты менен,

Менен Жапқыш ұшып кетті.

Ал жастықжан қорбаңдап, Менен қашты балпаңдап.

(«Тазалық» ертегісі).

Кейіпкерім бүгінгі- Шыбынбике-Шыбынгүл.

Күн шыққанда, бұлт ауып,

Алды жолдан пұл тауып.

(Қ. Мырза Әлидің аудармасы бойынша жазылған «Шыбын- бике-Шыбынгүл» ертегісі). Жүргізуші: Ал балалар, қалай екен? Ата-аналар, сіздер қи­налған шығарсыздар? Балаларға ертегілерді көбірек оқу керек. Ал қазір демалып, «Үш торай» атты ертегіні тамашалаймыз (Үш торай жүгіріп келеді).

1. ші: Мен Ниф-Нифпін!

2. ші: Мен Нуф-Нуфпын!

3. ші: Мен Наф-Нафпын!

Қасқыр: Мен Қасқырмын. Тістерімді сықырлатып, үш торайды жеймін.

3-ші: Ей, Қасқыр, бізге тиіспеші. Біз сенің көңіліңді көтеріп, ән салып береміз.

Қасқыр: Ал айтыңдар.

Жүргізуші: Балалар, торайларға көмек берейікші, бір көңілді спорттық әнді айтайық.

Балалар торайлармен қосылып, ән айтады.

Қасқыр: Ал көңілімді көтердіңдер, бірақ таңғалдыра алмадыңдар.

Жүргізуші: Қоя тұр, Қасқыр, қазір таңғалдырамыз. Ал, ба­лалар, келіңдер және өз өнерлеріңді көрсетіңдер. (Жонглёрлер шығады және әуеннің ырғағымен доппен гимнастикалық жаттығулар көрсетеді).

Қасқыр: Жарайды, таңғалдырдыңдар! Мен өз сөзімде тұрамын, торайларды босатамын.

Жүргізуші: Қасқыр, сен ойнағанды ұнатасың ба?

Қасқыр: Иә.

Жүргізуші: Біздің қонағымыз болыңдар, біз қазір ойнаймыз және торғайлар, сендер де қалыңдар (Қатысушылар екі командаға бөлінеді, командаларға атаулар беріледі, эмблемалар таратылады).

1. «Кім тездетіп, үстіне киімін киеді» ойыны. Белгі бойынша ойыншылар себетке қарай жүгіреді және үстеріне бір заттан киеді, сосын кейін қарай жүгіреді. Себетті тез босатқан топ, ұтысқа ие болады! Бірінші сайыстың қорытындысы.

2. «Жалаушаны жеткіз!» ойыны. Ысқырық бойынша қатысушылар белгіленген жерге дейін жүгіреді, оны айналып шығады және қайтып орнына оралады. Одан кейін жалаушаны келесі жұпқа ұсынады. 2-ші сайыстың қорытындысы.

3. «Қысқа сапты найзалар» ойыны.

Әр қатысушыда бір қысқа сапты найзадан болады. Белгі бо­йынша бір ойыншы шарлар байланған, белгіленген жерге қарай жүгіреді. Ол қысқа сапты найзаны кез келген шарға көздеп лақтырады. Лақтырғаннан кейін қысқа сапты найзаларды жинап алып, кері қайтады. Барлық шарларды жарып үлгерген команда ұтысқа ие болады. 3-ші сайыстың қорытындысы.

4. «Гүлдерді жинау» ойыны.

«Швед» қабырғасында қағаздан жасалған гүлдер ілінген. Белгі бойынша ойыншылар белгіленген жерге дейін жүгіріп барып, бір гүлді ашады және өз орнына оралып келеді. Одан кейін келесі қатысушы жүгіреді. Ойынның соңында ұпайларды санап шығады. 4-ші сайыстың қорытындысы.