Отбасы менсүйіспеншілік туралы өсиет әңгіме112

Ерлер планетасында, Әйелдер планетасында, «Отбасы» деген шағын планетада және «Бақытты отбасы» деген өте шағын планетада адамдар өмір сүріпті. Ерлер планетасындағы және Әйелдер планетасындағы адамдар жұлдызды көпірде кездесіп, бір-біріне ғашық болып, «Отбасы деген планетаға барып тұрыпты». «Бақытты отбасы» деген планетаға ең болмаса бірнеше жылдар бойы Сүйіспеншіліктерін сақтаған адамдар ғана барып тұрады екен. Бұндайлар өте аз болыпты...

«Бақытты отбасы» планетасының данышпандары өз планетасында адамдарды қалай көбейтуді ойланыпты. Олар Әйелдер планетасына ұшып келіпті де сұрапты: «Қандай ер адамдарды ұнатасыңдар, қандай ер адамдар туралы армандайсыңдар?». Әйелдер әртүрлі жауаптар берді, дегенмен бәрі: «Жаны мен тәні күшті, қамқоршы және түсінетін, қайырымды, сезімтал және сүйе білетін, мақсаты бар, ақылды, еркін және үйлесімді, «Өмір» атты саяхатта бастап жүретін және өзіне тарта білетін ер адам» туралы ойлайтындарын айтты. Әйелдердің ішінде ең болмаса аталғандардың ішінен біреуінің болса да болғанын армандап,осындай ер адаммен кездесуді күтуден үмітін үзгендер де болған. Әлі де болса дәл сондайын жолықтыруға үміт еткендері де болған.

Енді «Бақытты отбасы» планетасының данышпандарыЕрлер планетасына барып, олардан да сұрады: «Қандай әйелдердіұнатасыңдар, қандай әйелдер туралы армандайсыңдар?».Ерлер де әртүрлі жауаптар берді, дегенмен бәрі: «Әдемі, нәзік, сүйе білетін және жақсы отанасы, түсінетін және ақылды, ер адамның соңынан әлемнің шетіне дейін баруға дайын әйелдер» туралы ойлайтындарын айтты.Ерлердің ішінде ең болмаса аталғандардың ішінен біреуінің болса да болғанын армандап,осындай әйелдермен кездесуді күтуден үмітін үзгендер де болған. Әлі де болса дәл сондайын жолықтыруға үміт еткендері де болған.

Енді данышпандар Жұлдызды көпірде не болатынын білмекші болды. Олар ол жерден болашақ сүйіктілерін іздеумен жүрген Ерлер мен Әйелдерді көреді. Сарыла күткісі келмегендер мен талаптары аздары немесе «Отбасы» планетасында тұрғысы келгендер бір-бірін тез тауып, қол ұстасып, жаңа планетада тұруға кетіп жатты. Өзінің арманындағы адамды кездестіруді армандағандар көпір үстінде басқалардан ұзағырақ жүрді, кейбіреуі ең ақырында кездестірдіде және сол кездескендеріне өте бақытты болды, ал біреулердің өмір бойы іздеумен жүретінін көрді.

Енді данышпандар «Отбасы» планетасына ұшып келіп, Ерлер мен Әйелдердің қалай өмір сүріп жатқанын байқады. Ал олар әртүрлі өмір сүріп жатты. Уақыт өте келе адамдар күткендегідей болмай және қасиеттерімен өзгеретіндіктен, көбісі өздерінің таңдауларына көңілдері толмады, көбісі бір-бірін түсінуді білмеді немесе түсінгісі келмеді, бір-бірінің жақсы қасиеттерін ашуға көмектеспеді. Кейбіреулерібір-біріне көңілдері толмаған күйде, солай өмір сүрулерін жалғастыра берді. Кейбіреулері бірге өмір сүруді үйренбестен айырылысып та жатты. Олардың арасында жұлдызды көпірде өз армандарын кездестіріп, өзара үлкен Сүйіспеншілік сезімдерімен «Отбасы» планетасына келіп қоныстанғандар да жиі кездеседі. «Отбасы» планетасы азаматтарының арасында өнегелі, бірақ «Бақытты отбасы» планетасына көшуге құқықтары болмаған «берік отбасылар» да болды. Олардың Ерлері мен Әйелдері махаббатсыз өмір сүрді, олар тек бір-біріне бауыр басып кеткен, бір-біріне адал болғанымен, бірақ бақытсыз болды. Өнегелі азаматтардың арасында «махаббат бақытсыздық...» деп қайталауды ұнататындар да болды. Олар бақытты болмады, үнемі ренжісті, бірақ өз сезімдеріне адал болып қала берді.

Данышпандар өздерінің «Бақытты отбасы» планетасына қайтып келіп, тұрғындарынан сұрай бастады: «Сендер қалайша Сүйіспеншілікте, Бақыттаөмір сүре алып жатырсыңдар?». Біреулерібастапқы кезден бір-біріне армандағандарындай болғандарын, әрине көп нәрсені түсінісіп, бір-біріне қарай көптеген қадамдар жасауға тура келгендігін және осылай істеу олардың қолдарынан келгендігін айтты.Басқалары бастапқы кезде сондай бір лайықты жұп болмағандарын, бірақ кең де бай Сүйіспеншілікке тола жан-дүниелерінің арқасында, сонымен бірге әрқайсының өз жұбына армандаған Ер азаматы немесе Әйелі болуға тырысуынан, оларға «Бақытты отбасы» планетасында өмір сүру құқығына лайықты болғандарын айтты.

Сонда данышпандар : «Шындығында әр жұп әртүрлі бақытсыз, ал бақытты болулары бірдей екен» деген ой түйді. Осыдан кейін данышпандаршешім қабылдады: «барлық ер адамдар тәні мен жанын мықты етуге, қамқор болуға және түсіне білуге, қайырымды, сезімтал болуға және сүйе білуге, алдына мақсат қоя білуге, ақылды, еркін және үйлесімді бола білуге, «Өмір» атты саяхатта Әйел адамды бастап жүретін және өзіне тарта білетін ер адам болуды үйрену керек». Барлық әйелдерге «Әдемі, нәзік, сүйе білетін және жақсы отанасы, түсінетін және ақылды, ер адамның соңынан әлемнің шетіне дейін баруға дайын болуды үйрену керек». Ал барлығына бірге бір-бірін түсінуді және бір-біріне армандаған Ер азаматы немесе Әйелі болуға көмектесуді және мүндетті түрде жан-дүниелерінде кең де бай Сүйіспеншілікті дамытуды үйрену керек. «Бақытты отбасы» планетасында өмір сүру үшін Сүйіспеншіліктің бір мезгілде ғана Отбасын дүниеге әкелуі жеткіліксіз екендігін, ең бастысы – Отбасында үнемі Сүйіспеншіліктің болуын есте сақтау керек.

• Бақытты отбасының барлық мүшелерін не біріктіреді? Неге?

• Отбасыда риясыз сүйіспеншілік қайта-қайта туындау үшін не істеу керек?

• Қалай ойлайсыздар, бақытты отбасы өмірінің сыры неде?

• Риясыз сүйіспеншілікке толы бақытты отбасын құру бойынша өз үлгіңізді сипаттаңыз.