7. Бақылау сұрақтары:

1) Дәрумендердің түрін атап, ерекшелігін айтыңыз

2) Дәрумендер жайында науқасқа кеңес беріңіз

3) Ұлттық тағамдар жайында өз ойыңызды айтыңыз

1. Тақырып №21, аталуы: Нәресте және оны күту.

Сөйлемнің функциональдық, семантикалық ерекшеліктері

2. Мақсаты: нәресте және оны қалай күту туралы ойын айтуға, кеңес бере білуге дағдыландыру

3. Оқытудың міндеттері:

• Студент білу керек:

- берілген сұрақтарға сөздік қорды пайдаланып дұрыс жауап беру;

- тақырыпқа қатысты өз ойын дұрыс жүйелі түрде айта алу;

• Студент істей білуі керек:

- мәтінді мазмұндай білуі керек;

- болашақ маман ретінде сұрақ қоя білу керек.

4. Тақырыптың негізгі сұрақтары:

1. Нәрестелер қалай күтіледі?

2. «Ел болам десең бесігіңді түзе» деген қанатты сөзді қалай түсінесіз?

3. Халқымызда балаға қатысты қандай ырым, дәстүрлерді білесіз?

5. Оқу және оқытудың әдістері: оқылым, сөздік жұмысы, сұрақ-жауап, түсіндіру, сурет бойынша жұмыс, жаттау.

1-тапсырма. Оқылым: 1.Мәтінді түсініп оқыңыз. Таныс емес сөздердің мағынасын анықтау. Мазмұндаңыз.

Нәресте және оны күту

Кіндік кесілгеннен кейін оның түбірі қалады. Кіндік жарасы оңай қабынады. Бірақ мұның алдын алу аса қиын емес. Кіндігі түспей тұрып нәрестені таза сумен шомылдыруға болады. Кіндікке қол тигізбестен бұрын қолыңызды жақсылап тазалап жуыңыз! Қайнап, суыған сумен ылғалданғанмақтамен кіндікті күн сайын тазартқаныңыз жөн. Кіндікті құрғақ ұстаңыз. Ол 3 – 7 күннен кейін қарайып, өзінен-өзі түсіп қалады. Егер жара қызарып, іріңдеп, жағымсыз иіс шығара бастаса,бұл оған инфекция түсті деген сөз. Баланы дереу дәрігерге көрсету керек.

Туылғаннан кейін бірнеше апта бойы нәрестенің көзінен көбіне сарғыш шырыш бөлініп тұрады. Оны қайнап, суыған суға малынған немесе емшектен аздап сүт тамызған мақтамен жайлап тазалауға болады. Ал егер көз іріңдеумен қатар қызарып, ісіп жатса, дәрігерге қарату керек.

Көптеген нәрестелердің денесі туылғаннан бір тәуліктен кейін сарғыштанып кетеді. Бұл қалыпты жағдай, оған арнайы емнің қажеті жоқ. Тек жиірек, 2 – 3 сағат сайын емізіп, күннің сейілген жарығымен сәулелендіріңіз. Әдетте сарғыштық 3–6 күннен кейін өздігінен басылады. Бірақ емшек еметін нәрестелерде ол одан да көбірек уақытқа сақталуы мүмкін.Нәресте сергек, емуі дұрыс, күніне 3 – 4 рет кіші дәретке, 1 – 2 күнде бір рет үлкен дәретке отыратын болса, алаңдамауға да болады. Ал егер сарғыштық күшейе түсіп, бір аптадан кейін де басылмай тұра берсе немесе туылғаннан кейінгі 24 сағат өтпей тұрып-ақ пайда болса, дереу дәрігермен байланысыңыз.

2-тапсырма. Сурет бойынша әнгіме құрастырыңыз.

3-тапсырма. Сөздерді орыс тіліне аударыңыз.

Нәресте, екпе, жаялық, қалыпты, сергек, аптабойы, сарғыш, кіндік, шомылу, ішінің кебуі, ұқалау, созу, есінеу, керілу, кекіру, ықылықтау, құсу, нәжісі, зәр шығаруы.

4-тапсырма. Мақал-мәтелдердің орыс тіліндегі баламасын беріп,мағынасын түсіндіріңіз.

Адам болатын бала алысқа қарайды.

***

Адам болатын бала — ағайыншыл,

Бай болатын бала — айырбасшыл.

***

Ат болар тай саяққа үйір,

Адам болар бала қонаққа үйір.

***

Атың жаман болса, қырың кетер,

Балаң жаман болса, арың кетер.

***

Ат болатын құлынның бауыры жазық келер,

Адам болар баланың маңдайы жазық келер.

***

Асығу — баланың ісі, аттандыру — ананың ісі.

***

Артында қызы қалғанның — ісі қалғаны,

Ұлы қалғанның — өзі қалғаны.

***

Әкесі құрдастың баласы құрдас.

***

Әкесі ұрған ұл оңар, шешесі ұрған қыз оңбас.

***

Әкесін сыйламағанды баласы сыйламайды.

***

Нар баласын қарпып сүйер.