Басқару қызметіне қажет сапаларды анықтауға арналған практикалық сабақтар

1. Психологиялық практикум Басқару психологиясы туралы пікір

Жедел өзгеріп тұратын әлем және ақпараттар легінің ұлғаюы жағдайында іргелі пәндік білім алу міндетті, бірақ білім берудің жеткілікті мақсаты болып табылмайды. Білім алушылар қазақстандық білім беру жүйесі бағыт алған білім, білік, іскерлік, дағдылар жиынтығын (білім үстемдігі) меңгеріп қана қоймауы тиіс. Білім алушылардың өзін барынша көрсете білу және қоғам өміріне пайдалы түрде қатысу үшін (біліктілік) ақпаратты өз бетінше табу, талдау, құрылымдау және тиімді пайдалану білігін бойына сіңіруі әлдеқайда маңызды, әрі қиын деген пікір бсқару психологиясын жетілдіруде нені меңзейді? Сол туралы өз көзқарасыңызды қағаз бетіне түсіріп, топ ішінде, студенттердің өздік жұмысында талдаңыздар.

2. Психологиялық практикум Басшының адамдарға және міндетке бағытталуын анықтау мақсатымен ұсынылатын тест

Басшының адамдарға және міндетке бағытталуын анықтау мақсатымен ұсынылатын тест. Тест Т.Санталайнен т.б. Нәтиже бойынша басқару М.: Прогресс,1988 кітабынан алынды. Тестте басқару ерекшелігін көрсететін 35 ұйғарым беріледі. Өзіңізді адамдардың белгілі бір кәсіптік тобының басшысы деп есептеңіз. Әр ұғымға жауап берген кезде «Ү»-үнемі, жиі-«Ж», кейде-«К», сирек-«С» деген өз жауабыңызды жазасыз.

1.Үнемі топтың басшысы боламын.

2.Уақыттан тыс жұмыс істеуден тайынбаймын.

3. Топ мүшелеріне жұмыс істеу барысында толық еркіндік берер едім.

4.Іс-әрекеттің бірдей тәсілдерін қолдар едім.

5. Адамдарға мәселені шешуде сыни көзбен қарауға рұқсат етер едім.

6. Менің тобым бәсекелес топтан алда болуы үшін маған байланысты болғанның бәрін жасар едім.

7. Өз тобымның өкілі ретінде сөйлер едім.

8. Топ мүшелерін үлкен талпынысқа жетелер едім.

9. Өз мақсатымды топта сынар едім.

10. Топ мүшелеріне толық белсенділік көрсетуге рұқсат берер едім.

11. Жайбасарлық пен сенімсіздікке шыдар едім.

12.Қызмет баспалдағымен көтерілу үшін көп жұмыс істер едім.

13. Келушілердің алдында топ атынан сөйлер едім.

14. Жұмыстың жоғары екпінін қолдар едім.

15. Жұмысшыларға «байланған» қолмен жұмыс істеуге жағдай жасар едім.

16. Топтағы шиеленіс жағдайында оның оң шешілуіне араласар едім.

17. Ұсақ жұмыстардан басымды көтере алмас едім.

18. Топты сыртқы ортамен байланыс жағдайында елестете алар едім.

19. Топ мүшелерінің іс-әрекетінде еркіндік бермес едім.

20. Не істеуді өзім шешер едім.

21. Жұмысшыларды өнімді өндіруді арттыру жұмысына жұмылдыра алар едім.

22. Өзіме қалдыратын кейбір билікті кейбір жұмысшыларға тапсырар едім.

23. Әдетте жұмыс мен айтқандай бағытта жүреді.

24. Топқа көптеген ұсыныстар жасауда белсенділік танытуға рұқсат етер едім.

25. Топ мүшелеріне нақты тапсырмалар берер едім.

26. Өзгерістер енгізер едім.

27. Топ мүшелерінен екпінді қызмет істеуді сұрар едім.

28. Топ мүшелері өздерінің сыни көзқараспен ойлау қабілетін жақсы пайдаланады деп есептер едім.

29. Жұмыс кестесін жасар едім.

30. Өз әрекетімді түсіндіруден бас тартар едім.

31. Басқаларға менің пікірім пайдаға жарайды деп сендірер едім.

32. Топқа жұмыс ырғағын өздерінің шешуіне рұқсат берер едім.

33. Топты рекордтық көрсеткіштер жасауға шақырар едім

34. Топпен келіспей-ақ әрекет етер едім.

35.Топ мүшелері түгелдей нұсқаулық пен көрсетілгендерді орындайды деп есептер едім.