Нәтижені бағалау

Барлық позиция бойынша өздеріңіз белгілеген балдарды қосыңыз. Егер олардың жиынтығы 49 болса, топ мүшелерінің жоғары жауапкершілікті алуға даяр екенін көрсетеді. Егер 40-48 балл болса, топ мүшелерінің жауапкершілікті алу деңгейі нақты байқалатынын, 30-39 балл болса орташа екенін көрсетеді. Балдардың жиынтығы 20-29 болса - топ мүшелерінің жауапкершілікті алу деңгейінің орташадан төмен екенін, 19 балдан төмен болса өте нашар екенін көрсетеді.

7. Психологиялық практикум

7. Стресс жағдайына қаншалықты ұшырау мүмкіндігіңізді анықтайтын тест

Сіздің стресс жағдайына қаншалықты ұшырау мүмкіндігіңізді анықтайтын тест ұсынылады.

Алдыңызда 18 ұйғарым берілген. Сіздің міндетіңіз осы ұйғарымдардың қайсысының қандай дәрежеде өзіңізге қатысы бар екенін анықтау. Жауап бергенде төмендегі шкаланы пайдаланыңыз.

1.үнемі

2.үнемі деуге болады

3.сирек

4.өте сирек

5.ешқашан

1. Күніне бір рет ыстық ас ішемін.

2.Аптаның 4 түнінде 7-8 сағаттан ұйықтаймын.

3.Мен адамдардан жағымды эмоция аламын, өзім де оларға солай жауап қайтарамын.

4.Менің сүйеу болатын туыстарым бар.

5.Аптасына денешынықтырумен ащы терім шыққанша 2 реттен кем емес айналысам.

6.Күніне 1 қораптан кем емес сигарет тартам.

7.Аптасына алкогольді 5 реттен кем пайдаланбаймын.

8.Менің салмағым бойымның ұзындығымен сәйкес.

9.Менің еңбекақым шығыныма сәйкес.

10.Менің жолдастарым мен достарым көп.

11.Ең құпия ойларыммен бөлісе алатын достарым бар.

12.Денсаулығым жақсы.

13.Ренжіген жағдайда да мен өз қиналысымды еркін айта аламын.

14.Өзім араласытын кісілермен жеке мәселелерімді талқылаймын.

15.Аптасына бір рет қалжыңдаймын.

16. Өз уақытымды тиімді етіп ұйымдастыра аламын.

17.Аптасына 3 кеседен кем емес кофе/шәй/ ішемін.

18. Күніне аз уақыт өзіммен өзім болуға мүмкіндік болады.

Нәтижені талдау және бағалау

1. Алынған балдарды қосыңыз.

2. Жалпы сомадан 18 ді алып тастаңыз.

3. Балдардың жиынтық саны - 25 болса, стреске икемдігіңізді көрсетеді. 40-65 балл жоғары дәрежеде стреске икемдікті көрсетеді. 65 тен жоғары балл сіздің шамадан шыққаныңызды көрсетеді.

Қорытынды

Қазіргі басқару психологиясының мәселелерін қарастыруда оның принциптері, ерекшеліктері елімізде қалыптасқан мәселелерге ықпал етуі керек. Еліміздегі өндірісті және ұйымдарды басқару экономикалық және саяси жағдайларға байланысты қалыптасып дамуда.

XXI ғасырдағы Америка оқымыстылары менеджмент туралы айтқанда «адам капиталы» табиғи қорлар мен жинақталған байлықтарының ең мәндісі деп қарайды. Басқару психологиясының ең негізгі принциптерінің бірі - шыдамдылық. Шешімін таппайтын мәселе жоқ. Бірақ оның тиімділігі, нәтижелігі тікелей басшының іскерлігіне, ақыл-ойына, ұстамдылығына, дұрыс шешім қабылдай білуіне байланысты.

8. Психологиялық практикум Стратегиялық бағытты анықтау

Стратегиялық бағытты анықтау жолдары.

Басқарушылық міндеттерді шешу процессінде басшының қабылдаған стратегиясы арқылы оның жеке қасиеттерін анықтауға мүмкіндік туады.

Стратегиялық мәліметтерді екі топқа бөлуге болады:

Өз-өзіне бағытталған;

Басқа адамдарға бағытталған.

Осы материалдарды толығымен түсіну үшін К.Томастың мәтінін ұсынуға болады. Бұл мәтінді қолданудағы ережелері: 10 мәтін берілген. Сол мәтіндердің екі нұсқасы бар, яғни «а» және «б». Әрбір адам осы екі нұсқаның өзіне жақынын таңдауы қажет.

1. а) Мен әрқашанда өзімнің көздегеніме жетемін.

б) Мен әрқашанда түйісу нүктесін табуға тырысамын.

2. а) Мен келеңсіз жағдайлардан қашуға тырысамын.

б) Егер сен бір нәрсені дәлелдегің келсе, онда келеңсіз жағдайларға мән бермеу керек.

3. а) Мен өз көзқарасымды өзгерткім келмейді.

б) Мен басқа адамның жағдайын түсінуге тырысамын.

4. а) Менің пікірімше, басқа адамдармен болған келеңсіздік үшін қобалжымау керек.

б) Мені келеңсіздіктердің бәрі қобалжытады.

5. а) Мен басқа адамды сабырға келтіріп, онымен жақсы қарым - қатынас жасауға тырысамын.

б) Менің пікірімше, өзіңнің көзқарасыңды әрқашанда дәлелдей білуің қажет.

6. а) Менің пікірімше, жалпы көзқарасты іздеу қажет.

б) Өз пікірімнің іске асуына тырысамын.

7. а) Мен басқаға өз қөзқарасымды айтып, оның пікір айтуын сұраймын.

б) Өз ойымның қисыны басым екенін түсіндіру керек деп есептеймін.

8. а) Әдетте мен басқа адамдардың көзін жеткізуге тырысамын.

б) Көбіне басқа адамдардың көзқарасын түсінуге тырысамын.

9. а) Мәселені тікелей талдауға тырысамын.

б)Әңгімелесу барысында әңгімелескен адам ойының өрбуін қадағалаймын.

10. а) Өз позициямды қорғаймын.

б) Егер мені сендірсе, басқа пікірді табуға бейіммін. Тест нәтижесін қорыту былай жүргізіледі. Мына сандарға сәйкес келетін белгілеулер саналады: Ө /қарсы келу стратегиясы/ 1-а,2-б,3-а,4-а,5-б,6-б,7-б,8-а,9-а,10-а.

Бірлесу стратегиясы:1-б,2-а,3-б,4-б,5-а,6-а,7-а,8-б,9-б,10-б. Осы екі стратегия бойынша сәйкес келетін талдаулар саналады. Ол осы екі стратегияның сізде қайсысы басым екенін көрсетеді. Барынша көп сәйкестік саны шиеленіс жағдайында сіздің сол стратегияға икемдігіңізді көрсетеді.