Оқытушы жетекшілігімен студенттің өздігінен орындайтын жұмысының тапсырмаларын орындауға арналған әдістемелік нұсқаулар

Оқытушы жетекшілігімен студенттің өздігінен орындайтын жұмыстың мақсаты: студенттердің дәріс және семинар сабақтарындағы білімдері негізінде өздігінен жұмыс істей білу іскерлігін қалыптастыру.

Міндеттері:

- дәріс және семинар сабақтарында алған білімдерін тереңдету;

- теориялық білімді практикамен байланыстыру;

- библиографиямен жұмыс істеу іскерлігін және дағдыларын қалыптастыру;

- алынған білімі негізінде психологиялық есептерді өздігінен шешу;

- психологиялық бақылау жүргізудің практикалық дағдыларын

жетілдіру;

- зерттеушілік, ізденушілік іскерліктерін жетілдіру;

- өздігінен жұмыс істеу іскерліктерін және дағдыларын дамыту;

- өзінің ойын еркін жеткізе білуге және оны қорғай білуге үйрету.

Оқытушының жетекшілігімен және студенттің өздігінен орындайтын өзіндік жұмысы курс бойынша меңгеретін білімге және рейтинг бойынша жинайтын ұпайға айтарлықтай ықпал жасайды. Сондықтан әрбір өзіндік жұмыс тапсырмасын студент дербес орыңдауы, тапсырманы орындауға мұқият, әрі жауапты болуы керек.

Оқытушы жетекшілігімен студенттің өздігінен орындайтын жұмыстың тапсырмаларын орындау барысында басқадан көшіру немесе басқаға көшірткен жұмыс мүлдем есептелмейді немесе бағасы төмендетіледі.

Студенттің өзіндік жұмысын орындау формалары әр түрлі: кесте, реферт, коллоквиум, сөзжұмбақ, пікірталас, конспект, аннотация және т.б. Олдарды рындау үшін оқу әістемелік кешеннің мазмұнында жалпы әдістемелік нұсқаулар берілген. Студенттің әрбір өзіндік жұмысын орындауы кітапханадан басталады. Сондықтан кітапхананың жұмыс кестесін біліп, талабын қатаң сақтау қажет.

Әдістемелік нұсқаулар:

1. Библиографиямен жұмыс істеу әдістемесі

Әр студент өзіне керекті әдебиетті, анықтаманы, журналды дұрыс таба білуі, яғни библиография негізімен таныс болуы керек.

Библиография – бұл әдебиет көрсеткіштерін құру және зерттеу жолдары мен әдістері туралы білімдер жүйесі. Библиография студентке семинар, практикалық сабақтарға даярлануда, курстық және дипломдық жұмыстарды орындауда қажетті әдебиеттерді іздестіруді жеңілдетеді және көмектесіде. Кітапханада студенттер арнайы жинақталған библиографиялық картотекалары, кеңестерді қолдана алады.

Студент үшін кітапханадағы керекті әдебиетті табудың ең тиімді жолы – ол каталог. Каталогтар материалдардың топтастырылуы бойынша афавиттік, жүйелілік, және жеке пәндерге арналған болып бөлінеді.

Алфавиттік каталогта автордың фамилиясы, кітаптың аталуы бойынша алфавиттік ретпен орналастырылады.

Егер қандайда бір нақты мәселе, тақырып қажет болса, ондай жағдайда жүйелілік каталогымен жұмыс істеу керек. Жүйелілік каталогында кітапханадағы барлық қолар беріледі және барлық карточкалар жеке салалар бойынша орналастырылған. Әр салада оның жеке тармақтары беріледі.

Қандайда бір сұрақ (тақырып, мәселе) бойынша арнайы әдебиеттерді қарау үшін білім алушыға жүйелілік каталогынан тиісті бөлімді (мысалы, «Әлеуметтану», «Психология» және Басқару,т.б.), егер қажет болса оның ішінен тармағын (мысалы, «Басқару психологиясы», «Әлеуметтік психология» және т.б.) тауып, барлық карточкаларды қарап, индексін көрсете отырып, әдебиеттердің қажетті тізімін жасау керек.

Жунал, газеттердегі, яғни басылымдардағы ақпараттарды тақырыптық картотекалардан қарай алады.