1. Жетекші симптомы – құрғақ жөтел. Жетекші синдромдары: қабынулық; қызба; аналық безінің зақымдалуы (онкологиялық?); плевра қуысына сұйықтық жиналу, асцит.

2. Емхана дәрігері тыныс жүйесіне қатысты патологиялардан күдіктенгенді міндетті түрде кеуде сарайының жалпы шолу рентгенограммасын жасату керек еді. Аналық безінің перделерінің айқындалуында (выраженность септ) онколог кеңесі шұғыл қажет, себебі бұл – ісіктің белгілерінің бірі.

3. Негізгі ауруы: Аналық безінің рагі?.

Асқ.: Экссудатты плеврит, асцит (Мейгс синдромы?).

Сұйықтық эвакуациядан соң қайта жиналуға бейім, геморрагиялық сипатты.

Клиникалық жағдай N30

56 жастағы ер кiсi клиникаға келесi шағымдармен түстi: кеуде сарайының оң бөлiгiндегi ауырсыну, ентiгу, қалтырау, дене қызуының 39⁰С көтерiлуi, құрғақ жөтел, тершеңдiк.

Сұрастырғанда 10 күн бұрын балық аулау үстiнде мұз ойылып, суға түсiп кеткенi, бiр тәулiктен соң жоғарыдағы шағымдардың дамығаны анықталды. Үйiнде нәтижесiз емделген.

Объективтi: жалпы жағдайы ауыр, дене қалыбы мәжбүр, оң жағында жатыр. Қарағанда: кеуде сарайының оң бөлiгi тыныс актiсінен қалыңқы, тыныс жиілігі 30 рет минутына. Салыстырмалы перкуссияда оң жағында 6 қабырғадан төмен өкпе дыбысы қысқарған, тұйық дыбысқа өтедi. Осы аймақта тыныс естiлмейдi. Жүректiң шала тұйық дыбыс шектерi солға 3 см ығысқан. Жүрек тондары айқын, ырғақты, ЖСС 120 минутына.

Қан анализiнде: ЭТЖ 37 мм/сағ., лейкоциттері 9,0х10⁹/л, эритроциттері 4х10¹²/л.

Кеуде сарайы органдарының жалпы шолу рентгенограммасында: оң төменгi бөлiгiнде жоғарғы шегi қиғаштана көтерiлген, гомогендi көлеңке анықталды.

Плевралық пункцияда 400 мл геморрагиялық сұйықтық алынды.

1. Синдромдарын жазыңыз, күдікті аурулар тізімін құрыңыз.

2. Кеңес беретін мамандарды анықтаңыз.

N30. Жауаптары:

1. Плевра қуысына сұйықтық жиналу, қызба, қабынулық, тш, жш.

Болжам диагнозы: Негізгі ауруы: Травмадан кейінгі экссудатты плеврит?. Асқ.: ТШ_ІІ.

ДД туберкулезді этиологиялы плевритпен жүргізу керек.

2. Торакальді хирург, фтизиатр, пульмонолог.

Клиникалық жағдай N31

42 жастағы әйел, құс фабрикасының жұмысшысы, әсіресе, шамалы физикалық күшке үдей түсетін ентігуге, мардымсыз қақырықты жөтелге, екі жауырын арасының тұтасып тұру сезіміне шағымданып келді.

Осы фабрикада ұзақ жылдар жұмыста, денін сау санайтын, үш жылдан бері жұмыстың ортасында шаршау, үлкен буындары мен бұлшық еттерінің ауырсынулары, дене қызуының 37,5⁰С көтерiлуi мезгіл-мезгіл мазалап жүрген. Кейінгі кездері жоғарыдағы шағымдары қосылған.

Қарағанда: жалпы жағдайы орта ауырлықта, диффузды цианоз. Пульсі 86 рет минутына, ырғақты. Жүрек тондары анық, өкпе артериясы үстінде ІІ тонның акценті. АҚ 140/80мм сын. бағ. Өкпе үстінде қысқарған перкуссиялық дыбыс, әлсіреген везикулалық тыныс, шашыраңқы, жайылма крепитациялар, артқы төменгі бөліктерінде құрғақ ызыңды сырылдар, тыныс жиілігі 22 минутына.

Қан анализіндерінен: ЭТЖ 22 мм/сағ., лейк. 10,0х10⁹/л, эрит. 4,5х10⁹/л. СРП ++.

Кеуде сарайының жалпы шолу рентгенограммасында: өкпе суреті интерстиций компоненті есебінен күшейген.

Рентгеноскопияда диафрагма күмбезінің қозғалғыштығының шектелгені анықталды.

1. Жетекші синдромдары.

2. Болжам диагнозы. Тексеру жоспары.

3. Диагнозының критерийлерін атаңыз.

4. Емі.

N31. Жауаптары:

1. Жетекші синдромдары: өкпенің шашыраңқы, диффузды-торлы; қызба; АГ; қабынулық.

2. Негізгі ауруы: Экзогенді аллергиялық альвеолит. Асқ.: ТШ_І. СӨЖ, ФК_II.

3. Аллергендермен тұрақты жұғысу жұмысы, аурудың құрғақ жөтел мен ентігудің мардымсыз көріністерінен басталуы және олардың тұрақты үдеуі; полиартралгия мен полимиалгия; қызба; тыныс шамасыздығының үдемелілігі.

4. Аллергенмен жұғысуды тоқтату – мамандығын өзгерту (дәрігерлік-эксперттік комиссияның көмегімен); ГКС ингаляциялық және жүйелі.

Клиникалық жағдай N32

40 жастағы ер кісі, токарь, клиникаға жолдасының көлігімен жеткізілді, шағымдары: кеуде сарайының сол бөлігінің өте күшті ауырсынуы, үдей түскен ентігу, құрғақ жөтел, жалпы әлсіздік.

Бір сағат бұрын жұмысында ауыр зат көтеру кезінде кеуде сарайының сол жартысында қатаң ауырсыну кенет басталып, тұншығу, құрғақ жөтел, суық тер пайда болған.

Өмірінде ауырмаған, өзінің денін сау санайды.

Об-ті: жалпы жағдайы өте ауыр, мәжбүр қалыпта отыр, тері жамылғылары қуқыл, суық тер жапқан. Мойын веналары томпайған, тыныс жиілігі 38 минутына, перкуссияда кеуде сарайы сол жартысының үстінен тимпанит, дауыс дірілінің қатаң әлсіреуі анықталды, аускультацияда ол жерде тыныс естілмеді, өкпесінің басқа аймақтарында өте әлсіз везикулалық тыныс. Жүректің шала тұйық дыбыс шектері төс қырынан 5 см оңға ығысқан, тондары әлсіреген, тахикардия, АҚ 90/60 мм сын. бағ. Ас қорыту жүйесінде ауытқу жоқ.

1. Жетекші синдромдары.

2. Болжам диагнозы.

3. Шұғыл тексерулер жоспары.

4. Емі.

N32. Жауаптары:

1. Негізгі симптомдары: кенет дамыған ентігу, тұншығу ұстамасына дейін үдеген; құрғақ жөтел.

Жетекші синдромдары: плевра қуысына ауа жиналу; кеуде сарайының сол жартысының ауырсынуы; өкпелік гипертензия; артериялық гипотензия; ТШ; ЖШ.

2. Негізгі ауруы: Сол жақты спонтанды пневмоторакс.

Асқ.: Тыныстың жедел шамасыздығы. Оң қарыншалық жедел шамасыздық.

3. ЭКГ, кеуде сарайы органдарының жалпы шолу рентгенограммасы, ҚЖА, пульмонолог, торакальді хирургтың шұғыл кеңесі.

3. Плевралық пункция жасау қажеттілігі мен дренаждың түрлерін торакальді хирург шешеді.