4.4. Зерттеу жүргізу тәртібі
Екінші ақпараттық көздері бай және әр түрлі болғанымен кәсіпорынға шетел нарықтары туралы қажетті мәліметтерді толық жинауға мүмкіндік бермейді. Сондықтан жергілікті жерде жиналған қосымша немесе анықталған мағлұматтар қажет. Нарықты зерттеу ақпарат жинау жұмысының бір ғана құрамды бөлігі. Олар ақпараттардың жаһандық жүйесіне біріктіріледі. Онда кәсіпорынның бақылауындағы әр түрлі ақпараттық көздер қажеттілігіне сәйкес қолданылады. Кәсіпорын нарыққа шыққанда өзінің шетелдік немесе жергілікті қызметкерінің, өзінің өткізу жөніндегі агенттерінің, немесе тіпті ынтымақтық шеңберіндегі келісім бойынша, өзінің басымдылықты клиенттерінің көмегіне сүйенуі керек. (Сурет 1).
Зерттеу жүргізу сенімін кімге арту керек?
Шетелде зерттеу жүргізудің табысты болуы бірсыпыра жағдайлардың орындалуын талап етеді, яғни:
ақпарат көздеріне қол жетерлігі;
мәліметтер жинау технологиясын жолға қою;
нарық дамитын саяси, құқықтық, әлеуметтік және мәдени ортаны түсіну және есепке алу;
зерттеуді кәсіпорынның қажеттіліктеріне және осал тұстарына бейімдеу.
Зерттеу табысты болады деп алдын ала кепілдік беру мүмкін емес. Себебі бұл зерттеулер кәсіпорыннан біраз шығындар талап етеді. Сонымен бірге орындаушыларды таңдап алу да біраз көңіл аударуды қажет етеді. Кәсіпорын зерттеу жүргізуді өз қызметкеріне немесе маманданған фирмаға тапсырады. Соңғысы сол елдікі болуы және шетелде жұмыс істеуі мүмкін немесе халықаралық жүйеге кіреді. Бұл зерттеу жүргізілетін елдің фирмасы болуы да мүмкін.
Екінші
ақпарат көздері
Өңдеу жүйелі
түрде талап
бойынша
Зерттеулер
Жергілікті
жерде жиналған
бірінші
мәліметтер
Мәліметтер
банкі
түрақты
ақпарат көздері -шетелдік
филиалдар -
агенттер -экспорттық
қызметтің
жалданған персоналы
Ақпарат
Сурет 1. Халықаралық маркетинг үшін ақпараттар жүйесін ұйымдастыру
Көптеген шетелдік фирмалардың (80%) өздерінің маркетингтік зерттеу бөлімдері бар. Бұндай бөлімдердің қызметкерлерінің құрамында статистиктер, экономистер, әлеуметтанушылар, психологтар және т.б. жұмыс істейді.
Сонымен қатар маркетингтің күрделіленуі және таралуы нәтижесінде жаңа ұлттық және халықаралық маркетингтік зерттеу фирмалары құрылып, дами бастады. Олар қызығушылық білдіруші клиенттердің тапсырыстары бойынша әр түрлі маркетингтік зерттеулер жүргізуге бейімделген. Қазіргі кезеңде АҚШ-та 550 ден астам осындай фирмалар жұмыс істейді.
Әдебиеттер: 1 - 40
5 Тақырып Халықаралық маркетингте нарықтарды сегменттеу
5.1.Мақсатты нарықты таңдау
5.2 Шетел нарығын сегменттеу ерекшеліктері тұтынушыларды талдау
5.3 Нарықтың фирмалық құрылымын зерттеу
5.4 Нарық тауарлық құрылымын талдаудың кейбір ерекшеліктері
5.5 Бәсекелік ортаны зерттеу. Бенчмакинг.
5.6 Кәсіпорынның мүмкіндіктерін зерттеу.