11.4. Өнімді өткізуді ынталандыру.

Нарыктық экономикасы дамыған елдерде өткізуді ынталандырудың маңызы өте зор.

Өткізуді ынталандыру - кәсіпорынның, компанияның нарықта айналымдағы тауарларының сатысын кеңітуге бағытталған қызметі.

Өткізуді ынталандыру - бұл сейлз промоушн ретінде танылған қызмет түрі. Оның келесі бағыттары бар:

- тауар өткізуші жүйенің жұмысын жақсарту жолымен, жарнама беруші ұсынатын бұйымдар мен қызметтерді өткізуге жағдай жасау(коммерциялық агенттер, көтерме сатып алушылар, бөлшек сауда жасаушылар және басқалары);

- тұтынушылармен жұмыс істеу.

Әлемдік нарықтағы жыл сайынғы өткізуді ынталандыру шығындары орташа 85 млрд.долларға жуық болады.

Өнімді өткізуді ынталандырудың компания үшін біраз артықшылықтары бар. Ол сатып алушыларды тартуға көмектеседі және олардың тауар немесе магазинге берілгендігін қолдайды. Мысалы, сатып алушыларды жаңа тауар үлгілері немесе сынау ұсыныстары тартады. Өндіруші тұрақты тұтынушылардың өз тауарының таңбасына берілгендігін оларға сыйлықтар немесе өзінің таңбалық өніміне купондар беру жолымен қолдауы мүмкін.

Өткізуді ынталандыру келесідей негізгі құралдардың бірімен іске асырылуы мүмкін:

• аудиовизуалдық;

• проспектілер, каталогтар, үндеу хаттар және басқа да басылымдық жарнамалар;

• кестелер, диаграммалар, сызбалар, графиктер және басқа да нақты және көрнекі графиктік ақпараттар, оның ішінде слайд түрінде, олар фирма, тауар туралы мағлұматтар береді;

• күнтізбелер, жазба кітапшалар және басқа да тауарлық белгімен, жарнама берушінің атымен немесе деректемелерімен белгілі бір құндылыққа ие кәдесыйлық бұйымдар;

• тауар бумасы ішіне салынатын жарнама элементтері (мысалы, танымал спортшылар, артистердің портреттері, мультипликация кейіпкерлерінің бейнелері);

• сату бойынша агенттерді, делдалдарды, тұрақты және болашағы бар сатып алушыларды көтермелеу;

• тауар жылжыту үдерісіне басты қатысушылармен тікелей хат жазысуды қолдау;

• сатыс орнында қолданылатын бұйымдармен жабдықтау жолымен саудаға көмек көрсету: муляждар, слайдбокстар және т. б;

• сейлз- промушн материалдарын жіберу үшін директ- мейлді пайдалану;

• фирмалық анықтамалар, әдістемелік әдебиеттер шығару;

• сату үдерісіне қатысушы тұлғалар үшін көрсетілімдер, жарнамалық семинарлар, тренингтер ұйымдастыру;

• фотографиялар мен плакаттар қолдану және басқалары.

Сейлз промоушн іс - шараларының экономикалық тиімділігі тұтынушылармен дербес жұмыс істеу дәрежесіне, оларға психологиялық әсер ету деңгейіне, жарнаманың қайталанушылығы мен сенімділігіне байланысты. Бұл іс -шараларды ұйымдастыру және өткізу үдерісінде бірнеше міндеттер шешіледі. Ең алдымен оларға жауапкершілікті нақты тұлғаға жүктеу, сонан кейін мақсатты тұжырымдау керек.

Тұтынушыларды ерекше қымбат тауарлар немесе үлкен төлемдер ынталандырады. Купондар, арнайы таңбалар және сыйлықтар сияқты өткізуді ынталандыру нысандары өткізумен тікелей байланысты. Бұндай шығындар өткізудің тіркелген үлесі болып табылады, және тауар сатылғанға дейін фирма бұл шығындарды шығармайды.

Кейде өткізуді ынталандыру қосалқы факторларға көңіл аударуға алып келеді.

Тауардың сапасы, функционалдылығы және сенімділігінің орнына күнтізбелер, купондар немесе лотореялартұтынушылардың көңілін аударуы мүмкін. Бұл қысқа мерзімді болашақта тұтынушылардың ынтагерлігін туғызады. Ұзақ мерзімді болашақта таңба үлгісі мен өткізуге теріс әсер етуі мүмкін, себебі тауардың ерекше артықшылықтары әзірленген жоқ. Өткізуді ынталандыру жарнаманы, дербес сатуды және қоғамдық пікір қалыптастыруды ауыстырмайтынын, оларды қолдайтынын ұмытпау керек.

Әдебиеттер: 1 - 40