2.Бағдарлама

2.1 Кіріспе

Дәрілік заттар өндірісі басқа фармацевтикалық пәндермен бірге фармацевт мамандығын қалыптастыруда және бітірушілердің арнайы технологиялық дайындығын қамтамасыз етуде маңызды роль атқарады.

Оқу бағдарламасында келешектегі фармацевтикалық ғылым мен іс-тәжірибенің негізгі конценпциялары көрсетілген, сонымен бірге теориялық білімдерді және дағдыларды қазіргі іс-тәжірибелік фармацияға жақындату қажеттілігі дәйектелген.

Бағдарламада бастапқы шикізаттың тазалығына, экология жағдайларына Бүкіләлемдік денсаулық сақтау ұйымының (БДСҰ) талаптарын енгізіп, дәрілік препараттардың өндірісіне қазіргі заманғы талаптар берілген, сонымен бірге дәріханалық және өнеркәсіптік өндіріс өнімінің технологиясын және сапасын нормалайтын нұсқаулар мен бұйрықтарға көңіл аударылған.

ҚР Мемлекеттік Реестріндегі дайын дәрілік препараттар номенклатурасының мезгілімен жаңартылуына байланысты кафедраларға дәрілердің жеке технологиясына өзгерістерді енгізуге мүмкіндік беріледі.

2.2 Пәннің мақсаты: студентерді дайын дәрілік құралдар өндірісі бойынша теориялық білімдер мен іс-тәжірибелік дағдыларға үйрету.

2.3 Пәннің міндеттері:

• химия-фармацевттік өндірістерді ұйымдастырудың негізгі принциптеріне білім беру;

• дәрілік түрлер өндірісіне инновациялық технологияларды жасап ендіруге үйрету;

• дәрілік түрлерді даярлаудың теориялық негіздерін игеру және кәсіптік дағдылар мен тәлімдерді үйрету;

• өндірісте шығарылатын дәрілік түрлер мен препараттарды сатылы бақылау және стандарттау әдістерін үйрету;

• өндірісте шығарылатын дәрілік түрлерді биофармацевттік бағалауды үйрету;

• дайын дәрілік түрлері технологиясын жетілдіру жолдарын үйрету;

• фармацевттік өндіріс үшін жаңа көмекші заттарды іздестіруді және өндіріске енгізуді үйрету;

• дайын дәрілік түрлердің, дәрілік заттардың, препараттардың, жартылай өнімдердің және басқа фармацевттік өнімдердің тұрақтылығын анықтау және сақтау мерзімдерін белгілеуді үйрету.

Білім берудің қорытынды нәтижелері

Студент білуі керек:

• кәсіптік міндеттерді орындау үшін анықтама және ғылыми фармацевтикалық әдебиеттер номенклатурасын;

• өнеркәсіптік өндірісте жасалынатын дайын дәрілік түрлер, препараттар мен жартылай өнімдердің номенклатурасын;

• химия-фармацевттік кәсіпорындар мен ірі фармацевтік өндірістерді ұйымдастырудың негізгі принциптерін;

• негізгі технологиялық құрал-жабдықтардың құрылысы мен жұмыс істеу принциптерін, құрал-жабдықтарды іске қосу және қолдану ережелерін;

• өндірісте сатылы бақылау жүргізу және дәрілік препараттарды, дәрілік құралдарды стандарттау әдістері мен тәсілдерін;

• дәрілердің сапасы мен биологиялық тиімділігіне фармацевтикалық факторлардың әсерін;

• дәрілік препараттар мен дәрілік түрлерге және медициналық мақсатта қолданылатын құралдарға арналған орауыштар түрлерін және орауыш материалдарының номенклатурасын, оларға қойылатын негізгі және арнайы талаптарды;

• дәрілік препараттардың және дайын дәрілік түрлердің тұрақтылығына сақтау жағдайлары мен орауыш түрінің әсерін;

• дәрілерді тұрақтандыру және олардың әсерін ұзарту тәсілдерін;

• жаңа дәрілік препараттарды іздестіру және жасап шығару саласындағы жетістіктерді;

• еңбекті қорғау, өнеркәсіптік санитария және қауіпсіздік техникасы ережелерін.

Студент үйреніп алуы қажет:

• кәсіптік міндеттерді орындау үшін анықтама және ғылыми фармацевттік әдебиеттерді қолдануды;

• өнеркәсіп жағдайында (химия-фармацевтік кәсіпорындар мен шағын фарма-цевтік өндірістерде) дайын дәрілік түрлер, дәрілік препараттар дайындауды;

• дайын дәрілік түрлер, препараттар, субстанциялар, жартылай өнімдер және басқа фармацевтік өнімдер өндірісінде технологиялық есептеулер жүргізуді;

• дәрілердің сапасы мен биологиялық тиімділігіне фармацевтикалық факторлардың әсерін анықтауды және жұмыс барысында ескеруді;

• өндірісте сатылы бақылау жүргізуді және дәрілік препараттарды, дәрілік құралдарды, жартылай өнімдерді стандарттауды;

• дәрілік препараттар, субстанциялар мен дәрілік жартылай өнімдердің тұрақтылығына сақтау жағдайы мен орауыш түрінің әсерін анықтауды;

• дәрілік түрлер мен олардың технологиясын жетілдіру және жаңа технологияларды жасау

бойынша зерттеулер жүргізуді;

• дәрілік құралдар, препараттар өндірісінде технологиялық процесстің тиімділігін анықтауды;

• еңбекті қорғау және қауіпсіздік техникасы ережелерін орындауды.

Студент машықтануы қажет:

• фармацевттік кәсіпорындардың қызметін жоспарлау, ұйымдастыру, басқару, бақылау және талдауды;

• кәсіптік қызмет саласындағы ақпаратты, соның ішінде компьютерлік ақпаратты да жинақтау, өңдеу және сақтауды;

• өнеркәсіптік өндірісте дәрілік препараттарды дайындауды;

• заманауи технологиялық процестер мен аппараттарды қолдану арқылы дәрілік құралдардың құрамдарын және технологиясын жетілдіруді;

• дәрілік құралдардың сапасын сатылы бақылауды жүргізуді ұйымдастару;

• медициналық, медицина-әлеуметтік және жедел көмек көрсетуді;

• салауатты өмір сүруді насихаттау, аурудың алдын алу шараларын жүргізуді.

2.5 Пререквизиттер: физикалық және коллоидты химия, математика, физика, органикалық химия, микробиология, фармацевтикалық химия, фармацевтикалық қызметті ұйымдастыру негіздері, фармацияны басқару мен экономикасы

2.6 Постреквизиттер: фармакогнозия.