Мая радзіма - беларусь

Тэма: Па якіх законах жылі нашы продкі

Мэты: даць вучням уяўленне аб законах, па якіх жылі ў мінулыя часы нашы продкі.

Задачы:

а) навучання: паказаць вучням, што жыццё чалавека немагчыма без падпарадкавання правілам, якія ўстаноўлены законам, што правілы законаў могуць залежаць і не залежаць ад жадання і волі чалавека; пазнаёміць вучняў з рознымі відамі законаў: законамі прыроды, законамі жыцця, грамадскімі законамі і дзяржаўнымі законамі;

б) развіцця: на аснове атрыманых ведаў развіваць у вучняў светапогляд, які грунтуецца на разуменні рэальнага жыцця, у якім чалавек павінен сувымяраць свае дзеянні з агульнапрынятымі правіламі, якія дзейнічаюць у грамадстве;

в) выхавання: выхоўваць у вучняў павагу да за­конаў і імкненне будаваць свае жыццё ў адпаведнасці з правіламі дзеючых у грамадстве законаў.

Паняцці	Па якіх законах жылі нашы продкі	Імёны
Веча Статут Даты ХІ ст. – “Руская Праўда” ХVI cт. – статут (1588 г.)	План 1. законы прыроды 2. Законы жыцця 3. грамадскія законы 4. Дзяржаўныя законы	Яраслаў Мудры Леў Сапега

1. Арганізацыйны момант

2. Праверка дамашняга задання

1. Закончы сказы.

У ХІІІ стагоддзі на нашы землі напалі _____________ (нямецкія захопнікі; рыцары-крыжакі) і пачаліся набегі ________________ (татар; палякаў).

2. Адзнач знакам «+» правільныя адказы на пытанні.

Хто ўзначаліў барацьбу супраць крыжакоў?

 Рагвалод  Вітаўт

Як называлася дзяржава, што ўзнікла на беларускіх і літоўскіх землях?

 Полацкае княства  Вялікае княства Літоўскае

3. Падкрэслі назвы народаў, якія ўдзельнічалі ў Грунвальдскай бітве і перамаглі крыжакоў.

Беларусы, рускія, англічане, літоўцы, палякі, венгры, татары.

4. Адзнач знакам «+» справы князя Вітаўта, якімі ён праславіўся.

 Абарона і ўмацаванне дзяржавы.

 Перапісванне кніг і напісанне летапісаў.

 Сумесная з польскім каралём перамога над рыцарамі-крыжакамі.

 Разрабаванне дамоў і палацаў багатых жыхароў Вялікага княства Літоўскага.

5. Паразважай. Чаму ў Грунвальдскай бітве войскі князя Вітаўта і польскага караля Ягайлы змагаліся разам?

3. Паведамленне тэмы і мэты ўрока

Настаўнік вызначае задачы урока, звяртае увагу на класную дошку, на якой запісана тэма, план яе вывучэння, паняцці, даты і імёны гістарычных дзеячаў.

4. Тлумачэнне новага матэрыялу

• Хто такі Яраслаў Мудры?

• Чаму яго ў народзе празвалі Мудрым?

• У якім стагоддзі ён жыў?

• Ці можна князя Яраслава назваць асветнікам?

• Як называўся сабор, пабудаваны ў Кіеве па яго загадзе?

• Яшчэ ў якіх гарадах існавалі такія саборы?

• Як называўся закон, напісаны Яраславам Мудрым?

Настаушк заўважае, што пры вывучэнні новага матэрыялу размова таксама будзе ісці пра законы.