5. Замацаванне вывучанага матэрыялу

Вучням прапануецца адказаць на пытанні на с. 113 вучэбнага дапаможніка.

6. Вынікі ўрока

7. Хатняе заданне: апавяданне «Дзяржаўны герб нашай краіны »

МАЯ РАДЗІМА - БЕЛАРУСЬ

Тэма: Сцяг беларускай дзяржавы

Мэта: пазнаёміць вучняў з Дзяржаўным сцягам Рэспублікі Беларусь як адным з сімвалаў нашай дзяр­жавы.

Задачы: а) навучання: даць вучням агульнае ўяўленне пра сцяг нашай краіны, растлумачыць сэнс кожнага з адлюстраванняў, якія на ім змяшчаюцца; паказаць вучням, што сцяг, як і герб, — гэта наша гісторыя, гэта непарыўная сувязь мінулага з сучаснасцю; ажыццявіць параўнальную характарыстыку двух сімвалаў — герба і сцяга;

б) развіцця: развіваць у вучняў уменне параўноўваць гістарычныя з'явы, шукаць у іх падабенствы і адрозненні;

в) выхавання: выхоўваць у вучняў любоў да Радзімы, імкненне стаць патрыётам сваей Бацькаўшчыны, шаноўныя адносіны да дзяржаўнай сімволікі, жаданне мець непасрэднае дачыненне да яе.

1. Арганізацыйны момант

2. Праверка дамашняга задання

На класнай дошцы пералічаны асноўныя адлюстраванні, якія змяшчаюцца на Дзяр­жаўным гербе Рэспублікі Беларусь. Настаўнік выклікае па чарзе вучняў, і яны тлумачаць іх сэнс.

Пералік асноуных адлюстраванняў:

1. Пяціканцовая зорка.

2. Узыходзячае сонца.

3. Каласкі жыта.

4. Кветкі канюшыны і ільну.

5. Чырвона-зялёная стужка з надпісам.

У час тлумачэння вучні паказваюць пералічаныя адлюстраванні на гербе, малюнак якога прымацаваны да класнай дошкі.

• Чаму на Дзяржауным гербе нашай крашы паказана ўверсе жыта, злева— канюшына, а справа— лён? (Жыта размешчана ўверсе, таму што гэта галоўная зерневая культура нашай краіны. Канюшына паказана злева, таму што яна важная кармавая куль­тура, а вось лён — самае каштоўнае багацце Беларусі. Яго называюць паўночным шоўкам. Вось чаму яго блакітныя кветкі знаходзяцца на пачэсным месцы справа.)

Будаванне крыжаванкі (калектыўна).

Пытанні: 1. Лётчыкі, якія лятаюць у космас. 2. Два з іх нашы землякі... 3. Аднаго завуць Пётр... 4. Імя у другога Уладзімір, а прозвішча...

3. Паведамленне тэмы і мэты ўроку

Настаўнік пачынае работу з вызначэння задач. Яны пералічваюцца і каменціруюцца. Настаўнік адзначае, што Дзяржаўны сцяг, як і Дзяржаўны герб, з'яўляецца таксама сімвалам нашай краіны. Пра герб вы ўжо ведаеце, а са сцягам будзеце знаёміцца. У сувязі з гэтым у нас з вамі будзе магчымасць параў­наць адзін сімвал з другім і зрабіць адпаведныя вывады з гэтага параўнання.

4. Вывучэнне новага матэрыялу

• Нашы далёкія продкі славяне ў час ваенных сутычак і бітваў ужывалі сцягі, каб адрозніць сваіх ад чужых. Да дрэўка звычайна прывязвалі кавалак чырвонай тканіны. Гэта і былі першыя сцягі. Пазней, калі з'явіліся гербы, іх адлюстраванні сталі змяшчаць на сцягах. 3 цягам часу выяву герба сталі замяняць умоўнай палоскай такога колеру, які мела гербавая выява.

Тры колеры на сцягу

Настаўнік прымацоўвае да класнай дошкі малюнак Дзяржаўнага сцяга і прапануе вучням уважліва разгледзець яго.

• Колькі частак мае сцяг? (Адказ: тры.)

• Пералічыце гэтыя часткі. (Арнамент— упрыгажэнне, якое складаецца з геа­метрычных фігур.)

• 3 якіх колераў складаецца Дзяр­жаўны сцяг? (Адказ: чырвоны, зялёны і белы.)

• Які колер пераважае? (Чырвоны.)

Чытанне матэрыялу вучэбнага дапаможніка.

Вучні запісваюць у свае сшыткі вызначэнне паняцця арнамент.

Арнамент — гэта ўпрыгажэнне, якое складаецца з геаметрычных фігур. У дадзеным выпадку гэта спалучэнне ромбаў з прамавугольнікамі.

Практычная работа.

Заданне вучням: параўнаць колеры герба і сцяга, знайсці агульнае і рознае.

	1) чырвоны
	2) зялёны
Дзяржаўны сцяг	3) залацісты	Дзяржаўны герб
	4) блакітны
	5) фіялетавы
	6) ружовы
	7) белы

Настаўнік падводзіць вучняў да наступных высноў:

1. У дзяржаўнай сімволіцы паўтараюцца тры ко­леры: чырвоны, зялёны і белы.

2. Найбольш колераў змяшчае герб. Іх усяго сем.

3. Чырвоны колер з'яўляецца самым распаўсюджаным.

Матэрыял для настаўніка.

Дзяржаўны сцяг Рэспублікі Беларусь складаецца з трох палосаў: верхняй — чырвонага колеру ў 2/3 і ніжняй — зялёнага колеру ў 1/3 шырыні сцяга, а таксама вертыкальнай — арнаменту на белым фоне, які складае 1/9 частку даўжыні сцяга. Адносіны шырыні сцяга да яго даўжыні роўныя 1:2.

Дзяржаўны сцяг у нашым жыцці.

Настаўнік адзначае, што Дзяржаўны сцяг у нашым паўсядзённым жыцці мае вельмі шырокае выкарыстанне, нават яшчэ больш значнае, чым Дзяржаўны герб.

Вучням прапануецца ўспомніць і падзяліцца сваімі назіраннямі аб тым, як выкарыстоўваецца Дзяр­жаўны сцяг Рэспублікі Беларусь.

Вучні прыводзяць прыклады. Яны абмяркоўваюцца і дапаўняюцца. Настаўнік сістэматызуе іх.

Выкарыстанне Дзяржаўнага сцяга Рэспублікі Бе­ларусь:

1. На будынках органаў дзяржаўнай улады.

2. На будынках нашых пасольстваў за мяжой.

3. На будынку рэзідэнцыі Прэзідэнта Рэспублікі Беларусь.

4. На сесіях ААН.

5. На міжнародных парадах.

6. У час правядзення мітынгаў і дэманстрацый.

7. На парадах.

8. На алімпійскіх гульнях.

9. У гонар чэмпіёнаў.

10. На будынках у святочныя дні.

11. У дні жалобы (сцягі з чорнымі лентамі).

У выніку работы над гэтым матэрыялам вучні запісваюць у свае сшыткі наступны выраз:

Другая нядзеля мая — свята Дзяржаўнага герба і Дзяржаўнага сцяга.

Заключнае слова настаўніка.

Дзяржаўная сімволіка — гэта гісторыя нашай краіны, гэта сувязь мінулага з сучаснасцю. Ва ўсе часы, ва ўсіх народаў свету існавала абавязковае правіла, якое датычыла кожнага, — паважаць, шанаваць, беражліва адносіцца да сімволікі сваей краіны. Менавіта такія адносіны да дзяржаўных сімвалаў — гэта найпершы грамадзянскі абавязак кожнага з нас. Зняважлівыя адносіны да Дзяржаўнага герба або Дзяржаўнага сцяга лічацца злачынствам у нашай краіне.

Любіце сваю Бацькаўшчыну, шануйце яе сімволіку!

Герой Беларусі Уладзімір Карват.

Вучні чытаюць матэрыял вучэбнага дапаможніка на с. 147. Яны знаёмяцца з гераічным подзвігам ваеннага лётчыка. Па гэтым матэрыяле настаўнік можа правесці з вучнямі гутарку.

Хто такі Уладзімір Карват?

Чым займаюцца ваенныя лётчыкі? 3.

Ці можна назваць іх службу небяспечнай? Чаму?