Акушерлік парездердің ағымы

Жеңіл дәрежелі зақымдануда бірінші өмірлік күндерінен бастап функциясы қалпына келе бастайды және 3-5 ай көлемінде толық белсенді көлемдегі қозғалыс қалыптасады. Бірақ кейбір бұлшық еттердің әлсіздігі сақталуы мүмкін ол көбінесе баланы вертикальді қалыпқа ауыстырғанда айқынырақ болады. Қолды горизонтальді деңгейден жоғары көтергенде және артқа әкеткенде оның функциясының жетіспеушілігі байқалады.

Орташа және ауыр зақымдануда нерв талшықтарының дегенеративті өзгерістерінен, бұлшық еттер атрофиясынан, контрактурасынан қайта қалпына келу баяу және жиі толық қалпына келмейді. Зақымдалған бұлшықет функциясының қайта қалпына келуі кезінде оның тонусы және қолды қою қалпы өзгереді. Бастапқыда иық түсіңкі, қол денеге жабысқан,шынтақ буынынан жазылған,қол басы алақанда бүгілген. Қимыл-қозғалыс кезінде қол артқа әкетілген, шынтақ буынынан бүгілген, иық көтеріңкі,айқын ішкі ротация және пронация байқалады. Қол және иық белдеуінің өсуі артта қалады, сонымен қатар айқын атрофия жүреді. Өмірінің екінші жарты жылынан бастап қолдың екі басты бұлшықетінің ретракциясы нәтижесінен қол тартылған және жартылай бүгілген қалыпқа енеді. Проксималды типті акушерлік парез жиі асқынумен жүрпеді-ол екі басты бұлшықеттің контрактурасы. Бұлшықеттің деннервациясы салдарынан ( CV-CVI сегменттерінің иннерваціиясы) көлемі кішірейіп атрофияланады, бірақ бір уақытта жүргізілген емдік шаралар сау бөлігінің бұлшықеттерін гипертрофиялайды. Бұлшықеттердің жиырылуында (қолдың бүгілуі) қысқа валик тәрізді түрге енеді -«бицепс шоғыры »симптомы пайда болады. Иық белдеуінің ассемитриалы қалыпта болуы жиі омыртқаның мойын-кеуделік бөлігінің сколиозына әкеледі (иық белдеуі бұлшықетінің гипотрофиясы, шығыңқы жауырын). Жиі сүйектік өзгерістер 8-18 айдан кейін дамиды және өсе келе өзгерістер көрінеді. Рентгенограммада сүйектену баяулаған, иық сүйегінің гипоплазиясы, акромиальді өсіндінің деформациясы, жауырынның қысқаруы, буын қапшығының әжімденуі көрінеді. Егер адекватты қайта қалпына келу терапиясы жүргізілмесе, онда бұлшықеттердің контрактурасы (дельта тәрізді кеуделік, т.б. бұлшықеттер контрактурасы иықты алып кету қызметін және сыртқы ротацияны қиындатады. Білектің пронаторлық контрактурасы нәтижесінен бала қолын аузына апара алмайды. А.Ю.Ратнердің көзқарасы бойынша жұлынның туылу жарақаты салдарынан жедел ми қан айналым бұзылысы, жұлындық инсульттер, ерте пайда болатын жақыннан көргіштік, есту бұзылысы, энурез, гипертониялық ауру, ерте остеохондроз, тырысу жағдайы, кенеттен өлу синдромы дамиды [25].

Жұлынның кеуделік бөлігінің зақымдалуы (DI-DXII)

Клиникалық көріністеріне тыныс алғанда бұлшықеттердің түсуімен көрінетін кеуде клеткасының тыныс бұлшықеттерінің функциясының бұзылуы жатады. Айқын тыныс жетіспеушілігі фонында спастикалық түрдегі аяқ парезі дамуы мүмкін. Жұлынның төменгі кеуде сегментінің жарақатында ішастар қабырғасының бұлшықетінің әлсіздігінен «жайылған іш » симптомы дамиды.

Жұлынның бел-сегізкөз бөлігінің зақымдалуы (LI-SI, SIII, SV)

Аяқтың әлсіз парезі («құрбақа жатысы»), жамбас ағзаларының функцияларының бұзылысы байқалады (зәр және нәжісті ұстамау). Кейінірек жамбас бұлшықеттерінің толық дамымауынан және атрофия нәтижесінен «жарылған доп» симптомы қалыптасады.