Кесте 5.1 Персоналдың даму тапсырысы мен мақсатының құрылымы

Даму мақсаты	Тапсырма	Жеке тұлға	Топ
Стратегиялық	Бейімделу қабілетінің жақсаруы	Персоналдың қауіпсіздік пен тұрақтылықтың кеңеюі мен тереңдеуі. Жеке тұлға потенциалының дамуы.	Кадрлық потенциалы-ның дамуы, топтың басқарудың аспектісі ретінде командалары
Оперативтік және тактикалық	Кәсіби білім мен іскерліктің жүзеге асуы. Персоналмен дәстүрлі жұмыс және оны оқыту	Ұйым ішінде қызметкерлердің кәсіби карьераға бейімделуі. Жеке тұлғаның шығармашылық потенциалының дамуы.	Ұйымдағы өзгерістерге байланысты персоналдың дамуы. (қызметкерлер-дің ұйымдық дамуы)

5.3 Персоналдың даму жүйесі мен кезектілігі

Ұйымның кадрлық потенциалын жоғарылатуға әсер ететін элементтер кешені сол ұйымның персоналдарының даму жүйесі деп аталады. Бұл жүйенің негізінде нақты қазметке және жұмыс орындарына қатысты қызметкерлердің ақпараттық және қалыптасу процестерінің тікелей және жанама түрде біліктілікті көтеру жатады.

Қызметкерлердің жабық және жанама біліктілігі өз жұмыс орындарында тапсырмаларды зерделеу процесінде жоғарылайды.

Персоналдың даму жүйесінің элементтер санына келесілер жатады: кадрлық потенциалдық даму элементтері (штаттық кесте, ротация, кәсіби карьера, лауазымды алмастыру); тұлғалық потенциалдық даму элементтері (біліктілігін арттыру, жоғарылату); ақпараттық элементтер (білім нарығын талдау; ұйым ішінде білімге деген сұраныс пен ұсынысты талдау, кадрлар дамуы туралы мәліметтер жүйесі, аттестация нәтижелері және персоналдар жұмысын бағалау). Жүйенің элементтерін талдау персоналдың даму тізбектілігін анықтауға мүмкіншілік береді.

Шетел тәжірибесі персоналдың дамуына байланысты іс-шаралар енгізудің алты кезеңін көрсетті.

1. Сіз қандай мақсаттарға жеткіңіз келеді? Персоналды дамытуға байланысты шаралардың қажеттілігі бар ма? Персоналды жоспарлауға арналған сұрақтар мен кадрлық саясат арасында өзара байланыс қандай? (Мысалы, сабақтастық). Қандай кадрлы-саясатты шешімді қабылдау керек?

2. Ақпараттарды жинау және оған деген қажеттілік. Қызметкерлер қандай біліммен қамтылған? Бұл білім қалай бағаланады? Біліктілікті көтеруге қандай шаралар жүргізілді? Персоналға бүгін, ертең қандай талаптар қойылады?

3. Іс-шаралар. Қандай шаралардың баға ара-қатынасымен сапасы жақсы қалыпта? Кәсіпорын құрылымы тұрғысынан іс-шараларды қалай жүзеге асыру керек? Қызметкерлердің қайсысы қажет іс-шараларды аз көлемде қолдап немесе өткізе алады? Іс-шараларды жүзеге асыруға қатысу үшін оқыту қызметтерін ұсынатын фирма таңдауын қалай жүзеге асыру керек?

4. Персоналдың дамуын орындаушы және заказ беруші ретіндегі ұйым. Персоналдың даму мәселесімен кім айналысу керек? Басшылар жұмыскерлерінің жоғарылауы үшін жауап бере ме? Ұйым семинарлары үшін кім жауапты? Семинарларды жүргізу тәртібін кім қадағалайды? Семинарлардың өту мерзімі мен уақытын кім анықтайды?

5. Шығындар мен бюджет. Бюджетке персоналдың дамуына бағытталған бап бар ма? (бұл шаралардың тиімділігі мен нәтижелерін бағалауға қосымша сұрақ). Басшы осы мақсаттарға арналған құрал шығындары үшін тікелей жауап бере ме?

6. Контроллинг. Өткізілген шаралар персоналдың дамуына қаншалықты әсер етті? Өткізілген инвестициялар қаншаға сатып алынды? Алынған білімдер енгізілді ме?

Персоналдың дамуы кадрлық потенциалдың күшею әдісі мен қажетті кадрлық ресурстарды көтермелеуді білдіреді. Ол философиямен кәсіпорын миссиясынан туындау ретінде қарастырылады және оны ең ұзақ мерзімдік мақсаттарына итермелейді.

Қызметкерлер алдында тұрған тапсырмалардың нақты анықтамасы оның талабын түсінудің алғышарты және өзінің біліктілік деңгейін көтеруге дайындығы болып табылады.

Бақылау сұрақтары:

1. Кадрлық жоспарлаудың негізгі сатылары, кезеңдері?

2. Персоналды қаржыландыруды жоспарлау қалай жүргізіледі ?

3. Персоналдың нәтижелі дамуына қандай үш фактор әсер етеді?

4. Персоналдың даму әдістерінің ішінен қандай әдістерді бөліп көрсетуге болады?

5. Персоналдың даму жүйесіне қандай элементтерді жатқызуға болады?