Жанама әсерлері

Сирек кездесетін жанама әсерлері.

Аллергиялық реакциялар, анафилактикалық шок, бронхоспазм (гидрокортизонмен балаларды парентеральды ұзақ емдеген кезде дамиды). Көз тәжірибесінде – катарактаның пайда болуы, көздің ішкі қысымының жоғарлауы.

Жиі кездеспейтін жанама әсерлер.

Эйфория, депрессия, психоздар. Препаратты ұзақ қолданған кезде: Кушинга синдромы; ортан жілік сүйегі басының некрозы; қант диабеті; пептиттік жаралар мен қан кетулер.

Саудаға тіркелген атауы:

Дексаметазон

(Dexamethasone)

Шығарылу түрі. Таблеткалар 0,5 мг, 1,5 мг

Қолдану көрсеткіштері мен мөлшерленуі.

Аддисона-Бирмера ауруы, жедел және баяу жүретін тиреоидит, гипотиреоз, үдемелі офтальмопатия, тиреотоксикозбен байланысты, туа пайда болған адреногенитальды синдром; аллергиялық құраммен жүретін аурулар (бронхиальды демікпе, ангионевротикалық ісінулер, сары су аурулары, ревматоидты артрит асқыну фазасында, нефротикалық синдром; арнамалы емес жаралы колит, дәнекер тінінің аурулары); аутоиммунды гемолитикалық қаназдық, тромбоцитопения, қан түзілуінің аплазиясы мен гипоплазиясы, агранулоцитоз; жедел эритродермия, пемфигус (кәдімгі), жедел экзема (емнің басында); онкологияда (қатерлі ісіктер) паллиативті ем кезінде; ауыр инфекциялық аурулар (міндетті түрде антибиотиктермен біріктіру). Мөлшерлеу жеке, аурумен анықталынады, оның белсендігімен және науқастың жауабымен. Орта тәуліктік мөлшер – 0,75-9 мг. Ауыр жағдайларда – үлкен мөлшерлер, 3-4 қабылдауға бөлінген. Ең жоғарғы тәуліктік мөлшер – 15 мг. Ықпалға қол жеткізген соң, мөлшерді 0,5 мг-ға төмендету 3 күн ұстап тұрушы мөлшерге дейін 2-4,5 мг/тәулігіне. Ең кіші тиімді мөлшер – 0,5-1 мг/тәулігіне. Балаларға 0,0833 – 0,3333 мг/кг немесе 0,0025-0,01 мг/м² /тәулігіне 3-4 қабылдауға.

Кері көрсеткіштері.

Дексаметазонға жоғары сезімталдық. Жүйелік микоздар. Буынның және буын айналасындағы жұмсақ тіндердің инфекциялық зақымдалуы, семіздіктің III-IV сатысы (препаратты ішке тағайындау кезінде); көздің вирусты және зеңді зақымданулары; трахома; глаукома; қасаң қабақтың аурулары, эпителидің ақауларымен біріккен; жедел ірінді конъюнктивит; жедел инфекция түрлері арнамалы емес терапиямен.

Сақтандыру.

Интеркуррентті инфекцияларда, септикалық жағдайларда және туберкулез кезінде сәйкес антибиотиктермен бірге дексаметазонды тағайындау қажет. Күнделікті қолданғанда емнің 5-ші айында бүйрек үсті безінің қыртысты қабатының атрофиясы дамуы мүмкін. Препарат кейбір инфекциялардың симптомдарын көрсетуі мүмкін. Емдеу кезінде иммунизация жүргізілмеуі тиіс. Спецификалық емес жаралы колит, дивертикулит, жуырда жасалған ішек анастомозында, асқазан мен ұлтабар жара ауруларында, бүйрек жетіспеушілігінде, жүйелік остеопорозда, миастенияда, артериальды гипертонияда, сонымен қатар айқын қант диабетімен, артериальды гипертензия, психикалық ауруларда, гипоальбуминемия кезінде сақтықпен қолдану керек. Гипотиреозда, сонымен қатар бауыр циррозында препарат әсері күшеюі мүмкін. Эмоциональды тұрақсыздық кезде немесе психотикалық тенденцияларда аталған көріністер күшеюі мүмкін. Қасаң қабақтың ұшығымен ауыратын науқастарға препаратты тағайындағанда, оның перфорациясы болу мүмкіндіктерін ескеру керек. Емдеу кезінде көз қысымын және қасаң қабақ жағдайын бақылау қажет. Препаратты қолдануды бірден доғарғанда, әсіресе жоғары мөлшерді қолданғанда ГКС алып тастау синдромы дамиды (гиперкортицизммен байланыссыз): анорексия, жүректің айнуы, тоқырау, жаппай қаңқа-бұлшық ет ауырсынулары, жалпы әлсіздік. Препаратты доғарғаннан кейін бірнеше ай салыстырмалы бүйрек үсті безінің жетіспеушілігі сақталады. Егер осы кезде күйзелістік жағдайлар дамыса, уақытша ГКС (көрсеткіштер бойынша) тағайындалынады, қажеттілік кезде минералокортикоидтармен бірге қолданылады.

Балаларда ұзақ емдегенде өсу мен даму қарқыные қатаң қадағалау қажет. Емдеу кезеңіндегі балалар, қызылшамен немесе жел шешек науқастарымен қатынаста болса, оларға алдын алу шаралары ретінде арнайы иммуноглобулиндер тағайындайды.

Әрекеттесуі: 1 қосымшаны қара.

Жүктілік: FDA категориясы С. Плаценттік кедергіден өтеді. Бірінші үшайда кері көрсетілген. Терапиялық құнарлығының теріс әсері дәлелденбеген.

Емшекпен емізу: аз мөлшері қауіпсіз, жоғары мөлшері – баланың өз гормондар өнімін тежеу тәуекелі және бой өсуінің ұсталуы – ұсынылмайды.