Кері көрсеткіштері

Жоғары сезімталдық (сонымен қатар басқа да бутирофенон туындыларына, күнжіт майына), пирамидалық және экстрапирамидалық симптоматикамен жүретін ОЖЖ-нің аурулары, депрессия, есірік, кома, жүктілік, емшекпен емізу, 3 жасқа дейін (парентеральды енгізу үшін).

Сақтандыру.

Келесі мәселелі жағдайларда тәуекел мен пайданы салыстырып қарастыру қажет:

Декомпенсация көріністерімен жүретін жүрек қан-тамыр аурулары, жүрек бұлшық ет өткізгіштігінің бұзылыстары, қояншық, жабық бұрышты глаукома түрі, бауыр жетіспеушілігі, гипертиреоз, тиреотоксикоз, өкпе-жүрек жетіспеушілігі, қуық үсті безінің гиперплазиясы.

Кешкі дискинезия дамуы кезінде мөлшерді біртіндеп төмендету ұсынылады (толық алып тастауға дейін). Емделу кезінде науқастар жоғары көңіл қоюды, тез психикалық және қозғалыс реакцияларын талап ететін потенциальды қауіпті қызмет түрлерімен айналысуға болмайды.

Әрекеттесуі: 1 қосымшаны қара.

Жүктілік: FDA категориясы С. Қолдануға болмайды.

Емшекпен емізу: Емізулі кезде қолдануға болмайды.

Жанама әсерлері

Бастың ауруы, ұйқының қашуы немесе ұйқышылдық (әсіресе емнің басында), қозу, мазасыздану, абыржу, қорқу, эйфория немесе депрессия, летаргия, қояншық ұстамалары, психоздың экзацербациясы және елестер. Ұзақ қолданған кезде — экстрапирамидалық бұзылыстар (бұлшық тонустарының жоғарлауы, дірілдеу, акинезия), сонымен қатар кешкі дистония және гипертермиямен, бұлшық еттердің сіреспелігімен, естен танумен жүретін қатерлі нейролептикалық синдром. Жоғары мөлшерлерді қолданғанда — гипосаливация, жүректің айнуы, құсу, іштің қатуы немесе диарея, артериальды гипотензия, тахикардия, аритмия, ЭКГ өзгерістері, кейде — сары аурудың дамуына дейін болатын бауыр қызметінің бұзылыстары, макулопапулезді және акне тәрізді терінің өзгерістері; сирек — көрудің бұзылуы (сонымен қатар көз өткірлігі), катаракта, ретинопатия, ларингоспазм, бронхоспазм, сүт бездерінің ауруы, гинекомастия, етеккір циклінің бұзылыстары, бедеулік, либидоның жоғарлауы, зәрдің жиналуы, приапизм, тершеңдік, алопеция, уақытша лейкопения немесе лейкоцитоз, эритропения, гиперпролактинемия, гипер- және гипогликемия, гипонатриемия, фотосенсибилизация.

Саудаға тіркелген атауы:

Трифлуоперазин

(Trifluoperazine)

Шығарылу түрі. Таблеткалар 5 мг; егуге арналған ерітінді 2 мг

Қолдану көрсеткіштері мен мөлшерленуі.

Психоздар^С, шизофрения, елестік және аффективті-сандырақты жағдайлар^В, психомоторлы қозулар^С, орталық генезді жүректің айнуы және құсу^D. К/т, ішке. Б/е (терең), бастапқы мөлшер – 1–2 мг-нан әр 4–6 сағатта, тәуліктік мөлшер көбінесе 6 мг-нан тұрады, сирек жағдайларда – 10 мг-ға дейін. Симптомдарды шеттекеннен кейін ішке қабылдауға өтеді. Ішке (тамақтан соң), кәдімгі бастапқы бір реттік мөлшер — 1–5 мг-нан, кейін оны тәулігіне 5 мг-ға біртіндеп жоғарлатады, орта тәуліктік мөлшер – 15–80 мг (тәуліктік мөлшерді 2-4 қабылдауға бөледі), ең жоғарғы тәуліктік мөлшер — 100–120 мг. Қалаған ықпалға қол жеткізгеннен кейін тиімді мөлшерді 1-3 айға дейін сақтайды, кейін оны ұстап тұрушы мөлшерге дейін төмендетеді (көбінесе 5–20 мг). 6 жастағы және үлкен балаларға  — 1 мг-нан тәулігіне 1–2 реттен. Егде жастағы науқастарға мөлшерді баяу жүргізу керек, бастапқы мөлшер 50% немесе ұсынылған мөлшерден аз болады. Құсуға қарсы дәрі ретінде: 1–4 мг-нан тәулігіне.