Кері көрсеткіштері

Жоғары сезімталдық, емшекпен емізу.

Сақтандыру.

Келесі мәселелі жағдайларда тәуекел мен пайданы салыстырып қарастыру қажет:

Жүрек жетіспеушілігі, миокардтың инфаркты, AV тежелуі және басқа да өткізгіштердің бұзылыстары, ми қан айналымының және/немесе бауыр және бүйрек қызметінің бұзылыстары, сүт безінің қатерлі ісігі, гиповолемия, Паркинсон ауруы, қояншық, жүктілік, емшекпен емізу, 15 жасқа дейін (қолдану сынамасы жоқ).

Кешкі дискинезия дамуы кезінде, рисперидонды алып тастау мүмкіндіктерін қарастыру, ал нейролептикалық қатерлі синдромы (гипертермия, бұлшық ет сіреспесі, естің бұзылуы, креатинфосфокиназа деңгейінің жоғарлауы) кезінде емді доғару керек. Емделу кезінде науқастар жоғары көңіл қоюды, тез психикалық және қозғалыс реакцияларын талап ететін потенциальды қауіпті қызмет түрлерімен айналысуға болмайды. Емделу кезінде алкогольды қолдануға болмайды. Рисперидонмен емдеуге өткен кезде, мүмкіндігінше басқа антипсихотикалық заттармен емдеуді алдын ала доғару керек. ОЖЖ-не әсер ететін басқа дәрілермен сақтықпен біріктіреді. Емделу кезінде тамақты көп жеуден бас тарту керек, себебі дене салмағының жоғарлауымен байланысты.

Әрекеттесуі: 1 қосымшаны қара.

Жүктілік: FDA категориясы С. Жүктілік кезде мүмкін, егер анасы үшін күтілетін пайда ұрық үшін потенциальды тәуекелден жоғары болса.

Емшекпен емізу: Емізулі кезде қолдануға болмайды.

Жанама әсерлері

Жүйке жүйесі мен сезім мүшесі жағынан: ұйқының бұзылуы, сонымен қатар ұйқының қашуы немесе ұйқышылдық, қозудың жоғарлауы, қалжырау, көңіл қоюдың бұзылуы, мазасыздану, үрейлену, бастың ауруы, бастың айналуы, экстрапирамидалық бұзылыстар (сіреспелік, гипокинезия, гиперсаливация, акатизия, жедел дистония), кешкі дискинезия, нейролептикалық қатерлі синдром, жылу алмасудың бұзылуы, тырысу талмалары, инсульт (егде жастағы бейім келетін науқастарда), көрудің анықсыздығы.

Жүрек қан-тамырлары және қан (қан түзілу, гемостаз) жағынан: ортостатикалық гипотензия, рефлекторлы тахикардия, артериальды гипертензия, нейтро- және тромбопения, тромбоцитопениялық пурпура.

АІЖ мүшелері жағынан: жүректің айнуы, құсу, диспепсиялық көріністер, іштің ауруы, іштің қатуы, бауыр трансаминаза деңгейінің жоғарлауы.

Несеп жыныс мүшелері жағынан: дисменорея, аменорея, бедеулік, эрекция мен шәуеттің бұзылуы, аноргазмия, либидоның төмендеуі, приапизм, полиурия, несептің ұсталмауы, ісінулер.

Аллергиялық реакциялар: тері бөртпелері, ангионевротикалық ісінулер.

Басқалар: ринит, галакторея, гинекомастия, дене салмағының жоғарлауы, гиперволемия (полидипсия немесе АДГ секрециясының адекватсыз синдромы салдарынан), гипергликемия (қант диабетімен ауыратын науқастарда).

Саудаға тіркелген атауы:

Левомепромазин

(Levomepromazine)

Шығарылу түрі. Таблеткалар, қапшықпен қапталған 25 мг, егуге арналған ерітінді 25 мг/мл

Қолдану көрсеткіштері мен мөлшерленуі.

Әртүрлі этиологиялық психомоторлы қозулар^В, қорқынышпен, үреймен, ызамен, параноидты-елестер синдромымен жүретін (шизофрения^В, делириозды психоз^D); қояншық, олигофрения, қобалжу депрессиясы (көмекші заттар ретінде)^D; невротикалық бұзылыстар^D жоғару қозумен және ұйқының бұзылыстарымен; үшкіл невралгия мен бет жүйкесінің невритіндегі ауыру синдромы^В, белдемелі ұшық; қышымалы дерматоздар (біріктірілген ем құрамында); премедикация^С (ауырсынуды басатын, антигистаминді және наркозды препараттардың әсерін потенциялау). Ішке, б/е, к/т. Қозуды 25-75 мг-нан парентеральды енгізуден бастап шеттетеді, қажет кезде — 200–250 мг-ға дейін б/е немесе 75–100 мг-нан к/т. Біртіндеп пероральды қабылдауға өтеді 50–100 мг-нан тәулігіне (қажет кезде 400 мг-ға дейін). Жедел алкогольды психозды шеттету үшін — 50–75 мг-нан к/т, кейін 150 мг-нан б/е 5-7 күндей бойы. Амбулаторлық тәжірибеде тағайындауда 12,5–50,0 мг-нан тәулігіне.