Әдебиеттік оқу

Мерзімі:

Сабақтың тақырыбы: Ту тіккен Рақымжан. Кәкімжан Қазыбаев

Сабақтың мақсаты:

1. Білімділік: Оқушыларға Рақымжан Қошқарбаев туралы айта келіп, Ұлы Отан соғысындағы рейхстагқа ту тігілген жайлы айту.

2. Дамытушылық: Сөйлемді дұрыс құруға, ойлау, ойын тиянақтап жеткізе білуге дағдыландыру;

3. Тәрбиелік: Батылдыққа , Отанын сүйюге тәрбиелеу.

Сабақтың түрі: аралас сабақ.

Сабақтың әдісі: сұрақ- жауап, түсіндіру, әңгімелеу.

Көрнекілігі: суреттер.

Сабақтың барысы:

І. Ұйымдастыру кезеңі: Амандасу. Оқушыларды түгендеу. Қажетті құрал-жабдықтарын алғызып, назарларын сабаққа аудару.

Психологиялық даярлық. Бізге жылу мен жарықты не сыйлайды?

Жарқырап күн күн ашылды

Айналаға нұр шашылды

Мақсатымыз білім алу

Еңбектену арқылы

«5» ке қол жеткізу.

ІІ.Үй тапсырмасын сұрау: Мәтінде кім туралы әңгімелейді?

Мұқанның бұл жолғы қарсыласы кім?(түрік балуаны Нұрлы)

Жекпе-жек немен аяқталды? (жеңіспен).

Мазмұнын әңгімелетіп, сұрақ-жауап арқылы баға беріп, үй тапсырмасын бекіту.

ІІІ.Үй тапсырмасын пысықтау: Ұлы Отан соғысы кезінде Қажымұқан балуан майданға өз қаражатымен жасалған не жіберіпті? (ұшақ).

Балуандар күресі жайында тағы не білесің?

ІҮ. Мақсат қою кезеңі: 1.Сабақтың мақсатын, тақырыбын хабарлау.

2. Жаңа сабаққа даярлық . Ұлы Отан соғысы жайлы не айтар едің?

Ү. Жаңа сабақ: Мәтінді түсініп оқу.Рейхстаг деген не?

Рақымжан командирінен қандай тапсырма алды?

Ту тігу үшін командир Рақымжанды неге таңдады?

Командирдің тапсырмасы қалай орындалды?

Қашан ту тігілді? 30 сәуірдің кеші, 6 сағат 30 минут, 1945

Сергіту сәті. Орнымыздан тұрайық,

Алақанды ұрайық.

Бір отырып, бір тұрып,

Біз шынығып алайық.

ҮІ. Жаңа сабақты пысықтау:

Рақымжан Қошқарбаевтың ерлігі саған қалай әсер етті?

ҮІІ: Үйге тапсырма беру кезеңі:1. Түсініп оқу.

ҮІІІ. Бағалау

Бекітемін:________________

Әдебиеттік оқу

Мерзімі:

Сабақтың тақырыбы: Ол ақын болар ма еді? Коммунар Табей

Сабақтың мақсаты:

1. Білімділік: Тәуелсіздік жолында мерт болған желтоқсанға қатысушы Қайрат Рысқұлбеков өмірімен таныстыру, түсініп оқып, жүйелеп айтуға үйрету;

2. Дамытушылық: Есте сақтау, жүйелі сөйлей білу, өз ойын тұжырымдап айта білуге дағдыландыру;

3. Тәрбиелік: Елін,Отанын сүюге баулу.

Сабақтың түрі: аралас сабақ.

Сабақтың әдісі: Сұрақ- жауап, баяндау, әңгімелеу.

Көрнекілігі: суреттер

Сабақтың барысы:

І. Ұйымдастыру : сабаққа дайындық. Алақан» жаттығуы.

• Көршілеріңе бұрылып, алақандарыңды біріктіріп, жүректеріңнің жылуын беріңдер.

ІІ.Үй тапсырмасын сұрау:

Рейхстаг деген не?

Рақымжан командирінен қандай тапсырма алды?

Ту тігу үшін командир Рақымжанды неге таңдады деп ойлайсың?

Командирдің тапсырмасы қалай орындалды?

Қашан ту тігілді? 30 сәуірдің кеші, 6 сағат 30 минут, 1945

Мазмұнын әңгімелетіп, сұрақ-жауап арқылы баға беріп, үй тапсырмасын бекіту.

ІІІ. Үй тапсырмасын пысықтау: Рақымжан Қошқарбаевтың ерлігі саған қалай әсер етті?

Ұлы отан соғысының тағы қандай батырларын білесің? Ата.

ІҮ. Мақсат қою кезеңі: 1.Сабақтың мақсатын, тақырыбын хабарлау.

2.Жаңа сабаққа даярлық .

Ү. Жаңа сабақ:

- Қазақстан республикасы қай жылы тәуелсіздігін жариялады? - 1991ж 16 желтоқсан Тәуелсіздіктің бастамасы қай жылы болды? Өздерің желтоқсан оқиғасы туралы білесіңдер ме? - 16 желтоқсан 1986 жыл (Тақтадан желтоқсан оқиғасына арналған слайд, үнтаспадан «Желтоқсан желі» әні) Ол оқиғаны ешбір қазақ азаматы ұмытуға тиіс емес. Желтоқсан айы... Желтоқсан мен қараша сол бір, екі ай. Кешегі дүркіреп өткен 1986 жылдың желтоқсанында қазақ халқы ұлтаннан сұлтан болып, тар жол, тайғақ кешуден өтті. 16 желтоқсан Қазақстан тарихында өзінің жаңғырығымен өшпес із қалдырған небәрі 18 минутқа созылған Республика Орталық пленумда Республикамызды басқарып келген Дінмұхамед Ахметұлы Қонаевтың орнына Колбин сайланды. 17 желтоқсан Алматы қаласында мыңдаған қазақ жастары наразылық білдіріп шеруге шықты. Олар «Тәуелсіздік керек. Қазақ елінің көсемі сайлансын!» - деген тілек білдірді. Ұлт намысын жыртып алаңға шыққан жастардың арасында Ләззат Асанова, Ербол Сыпатаев, Сабира Мұхамеджанова болды. Сол кездегі үкімет басшыларының бұйрығымен күш көрсетілді. Көптеген жастар түрмеге қамалды. Оларға желтоқсанның ызғарлы күнінде зәбір көрсетілді. Осындай қатыгездікті көрген оларға араша түсем деп жүргендердің арасында Қайраты Рысқұлбеков те бар еді. - Ендеше бүгінгі сабағымызды желтоқсан құрбаны болған Қ. Рысқұлбеков ағамызға арнаймыз.

Мәтінді түсініп оқу. Оқушыларға тізбектей оқыту.

Мәтінде кім туралы әңгімелейді?

Ел басынан қандай кезең өтті?

Бұл қашан болған?

Неге автор Қайратты тірі қалса ақын болар ма еді деп ойлайды?

Оның шығарған өлеңін, айтқан өсиетін тауып оқы.

Сергіту сәті. Орнымыздан тұрайық,

Алақанды ұрайық.

Бір отырып, бір тұрып,

Біз шынығып алайық.

ҮІ.Жаңа сабақты пысықтау: Қайраттың әке-шешесінің есімдерін ата.(әкесі- Ноғайбай, шешесі-Дәметкен)

ҮІІ: Үйге тапсырма: мазмұнын айту, «Ер есімі-ел есінде» деген тақырыпқа әңгіме жазып кел.

ҮІІІ. Бағалау.

Бекітемін:________________