Әдебиеттік оқу

Мерзімі: 8.05.2015

Х тарау. Сарқылмас қазына.

Тақырыбы: Аңыздар. Тамақтың иісі мен ақшаның сылдыры.

Мақсаты:

1. Білімділік: Оқушылардың аңызды түсініп оқып, Қожанасыр хикаяларымен таныстыру, өз сөздерімен әңгімелей білуге, ондағы кейіпкерлерге мінездеме беруге, өзіндік пікір айтуға үйрету;

2. Дамытушылық: Сөздік қорын байыту, қиялын дамыту;

3. Тәрбиелік: Оқушыларды әділеттілікке, жақсы мен жаманды ажырата білуге тәрбиелеу.

Сабақтың түрі: аралас сабақ.

Әдісі: сұрақ-жауап, әңгімелеу.

Көрнекілігі: оқулық, сурет

Сабақтың барысы:

І. Ұйымдастыру кезеңі: Оқушылардың зейінін, назарын жаттығулар орындау арқылы сабаққа аудару. Күнге қолдарыңды созыңдар. Күннің жомарт сәулелері ананың нәзік алақанындай аялайды, сипалайды, жылытады.Сиқырлы күн барлық өкпе мен мұңды ерітіп жібереді. Жүрегімізді жылу мен махаббатқа толтырады.

Барлығы: Күн жарығын алақанға саламын,

Жүрегіме басып ұстай қаламын.

Ізгі әрі нәзік, жарық, мейірімді,

Болып кетер сонда дереу жан-жағым.

-Міне, жүрегіміздегі осындай жылумен сабағымызды бастаймыз.

ІІ. Өткенді сұрау: Мысал дегеніміз не? (Мысал ауызша жеткен халық шығармаларының бірі. ...) . Шөже мен Қарлығаштың әңгімесінде не жайлы айтылады.

Шөже Қарлығаштан не сұрағысы келді?

Қарлығаш оның сұрағына қалай жауап берді?

Шөже торғайға өзінің мінезі өзіне ұнай ма екен?

Сұрақ-жауап арқылы баға беріп, үй тапсырмасын бекіту.

ІІІ. Өткенді пысықтау: Осы мысал әңгімеден қандай үлгі алдың?

Өмірде қандай адам болған дұрыс деп санайсың? (сабырлы, байсалды, ұстамды, жақсы мен жаманды ажырата білетін салмақты адам болу. ...)

ІҮ. Мақсат қою кезеңі: Сабақтың мақсатын, тақырыбын хабарлау. 2.Жаңа сабаққа даярлық .Аңыз дегеніміз не? (Өмірде болған адам басына құрылған әңгімені аңыз дейміз)

Ү. Жаңа сабақ: Оқулықпен жұмыс: Аңызды түсініп, жалғастырып оқу.

Аңыз не жайлы екен?

Қожанасыр қайда келді?

Ол не көрді?

Бай неге кедейді ұрды?

Қожанасыр кедейді таяқтан қалай құтқарды?

Қожанасыр не істеді?

Байдың борышы қалай қайтты?

Бай жеңілді ме, әлде жеңді ме?

Сенің ойың?

ҮІ. Жаңа сабақты пысықтау: Суретпен жұмыс: Суретке зер сал. Суретке қарап аңызды әңгімеле. Суретте аңыз әңгіменің қай мезгілі суреттелген?

Сергіту сәті. Орнымыздан тұрайық,

Алақанды ұрайық.

Бір отырып, бір тұрып,

Біз шынығып алайық

ҮІІ. Қорыту: Бүгінгі сабақта не жайлы әңгімеледік?

Әділеттілік деген не?

Жақсы мен жаманды ажырата білу деген ше?

Мұндағы жақсы қайсы, жаман қайсы?

ҮІІІ. Үйге тапсырма: Оқу, әңгімелеу.

Бағалау

Бекітемін:________________

Әдебиеттік оқу

Мерзімі: 11.05.2015

Х тарау. Сарқылмас қазына.

Сабақтың тақырыбы: Алдардың айласы (аңыз)

Мақсаты:

1. Білімділік: Оқушылардың аңызды түсініп оқып, Алдардың хикаяларымен таныстыру, өз сөздерімен әңгімелей білуге, ондағы кейіпкерлерге мінездеме беруге, өзіндік пікірін айтуға үйрету;

2. Дамытушылық: Сөздік қорын байыту, қиялын дамыту;

3. Тәрбиелік: Оқушыларды ақылдылыққа, қиыннан жол табуға баулу.

Көрнекілігі: суреттер.

Әдісі: сұрақ-жауап,әңгімелеу.

Сабақтың барысы:

І. Ұйымдастыру кезеңі. Оқушы зейінін сабаққа аудару. Күнге қолдарыңды созыңдар. Күннің жомарт сәулелері ананың нәзік алақанындай аялайды, сипалайды, жылытады.Сиқырлы күн барлық өкпе мен мұңды ерітіп жібереді. Жүрегімізді жылу мен махаббатқа толтырады.

Барлығы: Күн жарығын алақанға саламын,

Жүрегіме басып ұстай қаламын.

Ізгі әрі нәзік, жарық, мейірімді,

Болып кетер сонда дереу жан-жағым.

-Міне, жүрегіміздегі осындай жылумен сабағымызды бастаймыз.

ІІ. Үй тапсырмасын пысықтау: Аңыз не жайлы екен?

Қожанасыр қайда келді? Ол не көрді?

Бай неге кедейді ұрды?

Қожанасыр кедейді таяқтан қалай құтқарды?

Қожанасыр не істеді?

Байдың борышы қалай қайтты?

Бай жеңілді ме?

Сұрақ-жауап арқылы баға беріп, үй тапсырмасын бекіту.

ІІІ. Пысықтау:

Бай неге кедейді кінәлады?

Кедейдің кінәсі бар ма еді?

Қожанасыр не істеді?

Байдың істегені дұрыс па?

Әділетті болу дегенді қалай түсінесің?

ІҮ. Мақсат қою кезеңі: Сабақтың мақсатын, тақырыбын хабарлау.

2.Жаңа сабаққа даярлық. Алдаркөсе жайлы қандай аңыздар әңгімелер білесің? Сенің ойыңша Алдаркөсе қандай адам?

Ү. Жаңа сабақ: Аңызды түсініп оқу.

Қасқыр хан қандай адам еді?

Оның ойына не түсті?

Кімді шақыртты?

Алдар болса оған қандай әңгіме айтып берді?

Сөйтіп, Қасқыр хан әңгімеден жеңілді ме?

Жеңілген Қасқыр хан Алдарға не істеді?

ҮІ. Жаңа сабақты пысықтау:

Алдар көсе қандай кейіпкер деп ойлайсың?

Аңызды өз сөзіңмен әңгімелеп көр.

Сергіту сәті. Орнымыздан тұрайық,

Алақанды ұрайық.

Бір отырып, бір тұрып,

Біз шынығып алайық

ҮІІ. Қорыту: Бүгінгі сабақтан не білдік? Саған не ұнады? Алдардың тапқырлығы неде?

ҮІІІ. Үйге тапсырма: Алдардың айласы. 234-235 бет. Оқу, мазмұнын айту.

Бағалау.

Бекітемін:________________