Әдебиеттік оқу

Мерзімі:

Үі бөлім. Жақсыдан үйрен

Сабақтың тақырыбы: Халыққа жеткіз күйімді. Әбу Сәрсенбаев

Мақсаты:

1. Білімділік: Күй атасы Құрманғазы мен Дина Нұрпейісова өмірімен,өнерімен таныстыра отырып, ауызекі сөйлеу тілдерін дамыту;

2. Дамытушылық: Оқу дағдыларын жетілдіру;

3. Тәрбиелік: Әсемдікке, зеректікке, өнерге деген құштарлығына баулу.

Көрнекілік: суреттер.

Әдісі: сұрақ-жауап, түсінідіру, әңгімелеу.

Түрі: аралас

Сабақтың барысы I. Ұйымдастыру бөлімі: Оқушылармен амандасу. Түгендеу. Сынып тазалығына көңіл бөлу. Назарларын сабаққа аудару.

Мұғалім Балалар (хормен) - Әрбір адам?-Туысым, досым.

- Әрбір сабақ?-Үйрену, ұғу, ұлағат. - Әрбір ісің?-Тірлік, тірек, адамдық. - Әрбір сөзің?-Шындық, бірлік, адалдық.

- Олай болса, балалар, бүгінгі сабағымызды бастаймыз.

ІІ. Үй тапсырмасын тексеру: Мәжит Сейфуллиннің «Сәкен аға» әңгімесі кім жайлы? Сәкен қандай жағдайға араласты? Неге? Сәкен үй шаруасында қандай көмек көрсететін? Сәкеннің ұқыптылығын қайдан білуге болады? Анасы Сәкенге не деді?

Балаларға түсінгенін әңгімелетіп, сұрақ-жауап арқылы баға беріп үй тапсырмасын бекіту.

ІІІ. Үй тапсырмасын пысықтау: Сәкенге мінездеме беріп көр. Сен қандай әсер алдың?

ІҮ. Мақсат қою кезеңі: 1.Сабақтың мақсатын, тақырыбын хабарлау. 2.Жаңа сабаққа даярлық. Қандай музыкалық аспаптарды білесің? Өзің қандай аспаптарда ойнай аласың?

Ү. Жаңа сабақ: кіріспе. Қандай өнер түрлерін білесің? Қандай күйшілерді, күйлерді білесің? Оқулықпен жұмыс. Мәтінді түсініп оқу. Құрманғазы мен Дина қай жылы кездесті? Құрманғазы неге налыды, неге қуанды? ( Өнерін жалғастыратын ұл болмады деп налыды. Өз мұрасын жалғастыратын адамның табылғанына қуанды.) Динаның ойнаған күйі қалай аталатын? («Көбік шашқан») Құрманғазы Динаға қандай бата берді? ( Көп жаса,қызым, көп жаса! ) Дина атасына қандай ант берді? Оны қалай орындады?

«Халыққа жеткіз күйімді» мәтінін таспадан тыңдай отырып бөліктерге бөлу - Ашулы толқын - Күймен үндестік - Күйді жалғау - Аманат Сөздікпен жұмыс: Арындап – қатты екпінмен. Жас гүл, жас қызғалдақ бұл жерде: - жас қыз Қаһары – ызасы, кегі Мұра – күйлері Топтық жұмыс: І топ: Мәтіннің 1, 2 азат жолдарын оқып, тақырып қойып, мазмұндау. ІІ топ: Құрманғазы мен жас гүлдің әңгімесін сахналау. ІІІ топ: Мәтіннің соңғы бөлігін «Күй – халық қазынасы» мағлұматымен толықтырып, ой бөлісу. ІV топ: “Ат тұяғын тай басар» тақырыбына ой қозғау. ҮІ. Жаңа сабақты пысықтау: 1.Құрманғазы мен Динаның қандай күйлерін сүйіп тыңдайсың? 2. Суретпен жұмыс. Суретке зер сал. Мәтінге сүйеніп, Құрманғазы мен Динаның кездесуі туралы әңгімеле.

ҮІІ. Қорыту. Бүгінгі сабақтан не білдік? Бұл қай жылы болған? Құрманғазы кім болған? Дина ше? Бүгінгі сабақтан қандай әсер алдың?

ҮІІІ. Үйге тапсырма: оқу, мазмұнын айту, өнер туралы мақал-мәтелдер жинастыр.

Бағалау.

Бекітемін:________________