Әдебиеттік оқу

Мерзімі: 1

Іх тарау. Жаздыгүн шілде болғанда

Сабақтың тақырыбы: Жаңбыр. Қ. Ыдырысов

Жаңбыр. Б. Майлин

Мақсаты:

1. Білімділік: Қабдыкәрім Ыдырысовтың «Жаңбыр» өлеңін мәнерлеп оқуға, ойын жеткізе білуге үйрету;

2. Дамытушылық: Сөйлемді дұрыс құруға, ой-қиялын тиянақтай білуге дағдыландыру;

3. Тәрбиелік: Табиғаттың құбылыстарын бақылай білуге тәрбиелеу.

Әдіс-тәсілі: түсіндіру, сұрақ-жауап, әңгімелеу.

Көрнекілік: мазмұнды суреттер

Сабақтың түрі: аралас сабақ

Сабақтың барысы:

І. Ұйымдастыру кезеңі. Амандасу,түгендеу,оқушылардың зейінін, назарын психологиялық жаттығулар орындау арқылы сабаққа аудару. Күнге қолдарыңды созыңдар. Күннің жомарт сәулелері ананың нәзік алақанындай аялайды, сипалайды, жылытады.Сиқырлы күн барлық өкпе мен мұңды ерітіп жібереді. Жүрегімізді жылу мен махаббатқа толтырады.

Барлығы: Күн жарығын алақанға саламын,

Жүрегіме басып ұстай қаламын.

Ізгі әрі нәзік, жарық, мейірімді,

Болып кетер сонда дереу жан-жағым.

-Міне, жүрегіміздегі осындай жылумен сабағымызды бастаймыз.

ІІ. Үй тапсырмасын тексеру: М. Әуезовтың «Кешкі дөң басында»,

Ә. Нұрпейісовтың «Кеш» шығармаларында не жайлы әңгімеленеді?.

Екі шығармада кеш батып бара жатқан мезгілді қалай суреттейді?

Екі шығарманың айырмашылығы неде?

Жазушылар жазғы кешті суреттегенде күннің түсі қандай болады дейді? Кешкі ауылдың неге у-шуға толы, азан-қазан болатынын айт.

Мәтіннің мазмұнын әңгімелету. Сұрақ-жауап арқылы баға беріп, үй тапсырмасын бекіту.

ІІІ. Үй жұмысын пысықтау: Кешкі ауыл мезгілі саған ұнай ма?

Саған қандай әсер қалдырды?

ІҮ. Мақсатын қою кезеңі: Тақырыбын, мақсатын хабарлау.

Жаңбыр қай кезде жауады?

Саған жаңбыр жауғаны ұнай ма?

Ү. Жаңа сабақ: Өлеңді мәнерлеп оқу. Ақын нөсер алдындағы аспанды қандай адамға ұқсатады? Неліктен? (долы, ашулы адамға)

Табиғаттағы өзгеріс жөнінде қай шумақта айтылған? ( екінші шумақта). Нөсердің алдында қандай қарбалас болды?

Өлеңді ақын қандай көңіл күймен жазды деп ойлайсың?

Жаңбырдан кейін балалар қуанышы жөнінде не айтылған?

Сергіту сәті. Орнымыздан тұрайық,

Алақанды ұрайық.

Бір отырып, бір тұрып,

Біз шынығып алайық

ҮІ.Жаңа сабақты пысықтау: Суретпен жұмыс: Зер сал. Табиғат адамға не береді?

ҮІІ. Бекіту кезеңі. «Табиғат-ана» деген сөз тіркесімен суреттің арасында байланыс бар ма?

ҮІІІ. Үйге тапсырма: 1.Өлеңді мәнерлеп оқу, « Нөсерде», «Жаңбырлы күн» тақырыбына шығарма жаз.

2.Бағалау

Бекітемін:________________

Әдебиеттік оқу

Мерзімі:

ІХ тарау. Жаздыгүн шілде болғанда

Сабақтың тақырыбы: Бұлбұлдың әні. Мәдіхат Төрежанов. Өз білімінді тексер.

Сабақтың мақсаты:

1. Білімділік: Мәдіхат Төрежановтың « Бұлбұлдың әні» әңгімесін түсініп оқу, бөліктерге бөле отырып ойын жеткізіп әңгімелеуге үйрету;

2. Дамытушылық: Сөздік қорын дамыту;

3. Тәрбиелік: Адамгершілікке, бақылағыштыққа баулу.

Сабақтың түрі: аралас сабақ

Құрал-жабдықтар: оқылық, құстар суреті, үлестірме қима қағаздар (сыртында құстар суреті).

Сабақтың барысы:

І. Ұйымдастыру кезеңі. Амандасу,түгендеу,оқушылардың зейінін, назарын психологиялық жаттығулар орындау арқылы сабаққа аудару. Күнге қолдарыңды созыңдар. Күннің жомарт сәулелері ананың нәзік алақанындай аялайды, сипалайды, жылытады.Сиқырлы күн барлық өкпе мен мұңды ерітіп жібереді. Жүрегімізді жылу мен махаббатқа толтырады.

Барлығы: Күн жарығын алақанға саламын,

Жүрегіме басып ұстай қаламын.

Ізгі әрі нәзік, жарық, мейірімді,

Болып кетер сонда дереу жан-жағым.

-Міне, жүрегіміздегі осындай жылумен сабағымызды бастаймыз.

ІІ.Үй жұмысын тексеру: Өлеңді жатқа айту.

Жаңбыр неге жауады, қалай, қашан көп жауады?

Жаңбырдың пайдасы бар ма?

Табиғаттағы өзгеріс жөнінде қай шумақта айтылған? ( екінші шумақта). Нөсердің алдында қандай қарбалас болды?

Өлеңді ақын қандай көңіл күймен жазды деп ойлайсың?

Жаңбырдан кейін балалар қуанышы жөнінде не айтылған?

Сұрақ-жауап арқылы баға беріп, үй тапсырмасын бекіту.

ІІІ. Үй тапсырмасын пысықтау: Табиғатта қандай жыл мезгілдері болады? Онда қандай өзгерістерді байқадың? Саған қай жыл мезгілі ұнайды? Әңгімелеп бер.

ІҮ. Мақсат қою кезеңі: : 1.Сабақтың мақсатын, тақырыбын хабарлау. 2.Жаңа сабаққа даярлық. Қазір қандай жыл мезгілі? Мына жаңылтпашты жаңылмай айтып көр.

«Көктем жауын-шашынсыз болмас,

Жауын-шашынсыз болмаса,

Жасылсыз болмас.»

Сергіту сәті. Орнымыздан тұрайық,

Алақанды ұрайық.

Бір отырып, бір тұрып,

Біз шынығып алайық

Ү. Жаңа сабақ: Оқулықпен жұмыс. Мәтінді түсініп оқу. Рөлге бөліп оқу. Мәтінді бөліктерге бөліп, әр бөлікке ат қою.(Тоғай ішінде. Бұлбұлдың ұясын қоруы. Бұлбұлдың сайрауы.)

ҮІ. Жаңа сабақты пысықтау:

Медіхат пен Әбдеш қайда келе жатты?

Олар неге көп сөз таластырады екен, мақсаты неде?

Қалай ойлайсың автор дұрыс істеді ме?

Неге бұлбұл сұңқылдапты, себебі неде екен?

Көңілденген бұлбұл не істеді?

ҮІІ. Қорыту: Бүгінгі сабақтан не жайлы білдік?

Бұлбұл қандай «ана» деп ойлайсың? Сенің пікірің.

ҮІІІ. Үйге: оқу,әңгімелеу, құстар жайлы жұмбақ тауып жаттау.

Бағалау.

Бекітемін:________________