Әдебиеттік оқу

Мерзімі:

ІХ тарау. Жаздыгүн шілде болғанда

Тақырыбы: Мазмұндама «Балаларын шомылдырған аю»

Мақсаты:

1. Білімділік: Оқушыларды жазбаша байланыстырып сөйлеуге, жазбаша тілін қалыптастыру, оқып берген мәтіннің мазмұнын, негізгі кезеңдерін қалдырмай жазуға үйрету;

2. Дамытушылық: Логикалық ойлау қабілетін, есте сақтау, зейінін жетілдіру;

3. Тәрбиелік: Ойын жүйелі жеткізуге, сауаттылыққа дағдыландыру.

Түрі: жазбаша бақылау .

Әдісі: қорыту

Керекті құрал – саймандар: сын жұмыстар жинағы, дәптер.

Сабақтың барысы:

І. Ұйымдастыру. Амандасу, түгендеу, оқушылардың зейінін, назарын психологиялық жаттығулар орындау арқылы сабаққа аудару.

- Балалар, терезеге қараңдаршы. Далада күн сәулесі жарқырап тұр. Бізге сәулесін шашып тұр. Сәуле сендердің тұла бойларыңа тарап, жандарыңды жадыратып тұр.

- Кәне, айналамызға жылу сыйлайық, жүздеріңнен күннің көзіндей күлкі кетпесін.

ІІ. Мақсатын қою кезеңі:

1.Сабақтың мақсатын, тақырыбын хабарлау.

2.Жаңа сабаққа даярлық, жазбаша жұмыс алдында нақты талап қою: мәтіннің мазмұнын толық жазу; кейіпкелерді анықтау; қай жақта жазу керектігін нақтылау;

ІІІ. Жаңа сабақ: Мұғалімнің мәтінді дауыстап оқуы;

Оның негізгі бөлімдерін кідіріс жасап оқуы;

Мазмұны бойынша сұрақ қою арқылы оқушылардың түсінгенін анықтау; Содан кейін мәтінді қайталап оқу.

Жоспар құру. Міндетті түрде жазуға тиісті тірек сөздер мен сөз тіркестерін тақтаға жазып қою;

Түсініксіз сөздерді тақтаға жазып қою.( міндетті түрде істелетін жұмыстар).

Балаларын шомылдырған аю

Күн өте ыстық еді. Аңшы өзен бойымен жағалап бара жатты. Ағаш арасынан бір нәрсе сылдыр-гүлдір етті. Аңшы қорқып, ағаш басына шықты. Қараса, аю келе жатыр екен. Жанында екі қонжығы бар.Баллары енесіне еркелеп келеді. Аю өзеннің жанына келіп, балаларының біреуін жауырынынан тістеді де, суға сүңгіп алды. Қонжық аяқтарын тырбаңдатып жұлқынады, барылдап бақырады.Бірақ енесі оны босатпады, тағңы бір-екі рет суға сүңгітіп алды. Мұны көрген екінші баласы орманға қарай қаша жөнелді.Бірақ енесі мұны ұстап алып, суға сүңгітіп шығарды. Салқын суға шомылып шыққаннан кейін, аюдың балалары сергіп кетті.Олар қатты-қатты сілкінді де, енелерімен бірге орманға кірді. Аңшы балаларын тәрбиелеп жүрген аюға қызыға қарады.

Жоспар:

1. Аңшы қайда келе жатыр еді?

2. Аю балаларын қалай шомылдырды?

3. Суға шомылған қонжықтардың көңіл-күйі қандай болды?

4. Аңшы неге қызықты?

Сергіту сәті. Орнымыздан тұрайық,

Алақанды ұрайық.

Бір отырып, бір тұрып,

Біз шынығып алайық

ІҮ. Сабақты қорыту: Бүгінгі сабақта не істедік?

Не жайлы жаздық?

Аю балаларын қалай шомылдырады екен?

Сен шомылғанда не істейсің?

Ү. Үйге тапсырма: қайталау.

ҮІ. Оқушыларды бағалау.

Бекітемін:________________