2. Бағалау.

Бекітемін:________________

Әдебиеттік оқу

Мерзімі:

ІХ тарау. Жаздыгүн шілде болғанда

Сабақтың тақырыбы: Жаз. Абай

Мақсаты:

1. Білімділік: «Жаздыгүн шілде болғанда» бөлім жайлы түсінік беру, оқушыларды түсініп оқып, өзіндік пікір айтуға үйрету.

2. Дамытушылық: Тілін, сөздік қорын, сөйлеу қабілетін дамыту;

3. Тәрбиелік: Адалдыққа, адамгершілікке, табиғатты сүюге баулу.

Әдісі: сұрақ-жауап,талдау, түсіндіру.

Көрнекілік: оқулық, суреттер.

Түрі: жаңа сабақ

Сабақтың барысы:

І. Ұйымдастыру кезеңі: Оқушылардың зейінін, назарын жаттығулар орындау арқылы сабаққа аудару. «Балалар,сендер сабаққа зейін қойыңдар. Іштеріңнен: «Мен жақсы адаммын, мен әйбәтпін!» деп бірнеше рет қайталаңдар. Бір- біріңе қарап, жымиыңдар.» Осылай біз бір-бірімізге деген жылылығымызды білдіреміз. Біздерге жылу мен жарық сыйлайтын не?

Барлығы: Күн жарығын алақанға саламын,

Жүрегіме басып ұстай қаламын.

Ізгі әрі нәзік, жарық, мейірімді,

Болып кетер сонда дереу жан-жағым.

-Міне, жүрегіміздегі осындай жылумен сабағымызды бастаймыз.

ІІ. Мақсат қою кезеңі.Сабақтың тақырыбы мен мақсатын хабарлау. Неше жыл мезгілі бар? Жаз айларына қандай айлар жатады? ( маусым, шілде, тамыз).

Ү. Жаңа сабақ: 1.Суретпен жұмыс: Суретте жылдың қай мезгілі бейнеленген? Оны неден аңғардың? Сурет бойынша әңгіме құр. 2. Абайдың жыл мезгілдеріне арнап жазған өлеңдерін есіңе түсір. (Қыс. Жазғытұры.) Жатқа айтып көр. 3. Оқулықпен жұмыс. Жаз мезгіліне арнап жазған өлеңді түсініп оқы.

Жаз

Жаздыгүн шілде болғанда,

Көгорай шалғын, бәйшешек

Ұзарып, өсіп толғанда;

Күркіреп жатқан өзенге

Көшіп ауыл қонғанда;

Шұрқырап жатқан жылқының

Шалғыннан жоны қылтылдап,

Ат, айғырлар, биелер

Бүйірі шығып, ыңқылдап…

Арасында құлын-тай

Айнала шауып бұлтылдап,

Жоғары-төмен үйрек, қаз

Ұшып тұрса сымпылдап…

Жаз мезгілін ақын тілімен сипатта:

1. Жаздыгүнгі табиғат.

2. Жан- жануарлардың жазғы тіршілігі.

3. Жазғы жайлау.

Сергіту сәті. Орнымыздан тұрайық,

Алақанды ұрайық.

Бір отырып, бір тұрып,

Біз шынығып алайық

ҮІ.Түсінгендерін тексеру.

1.Өлеңге сүйеніп, сурет салсаң қандай түсті көп пайдаланар едің?

2. Жазды күні шілдеде айнала неге толады?

3. Өз ауылыңда қандай қандай өзгерістер болады?

ҮІІ. Қорыту: Бүгінгі сабақтан не білдік?

Саған жаз айы ұнай ма?

Ұнаса несімен?

ҮІІІ Үйге тапсырма: 1. Жаттау. 2. Бағалау.

Бекітемін:________________

Әдебиеттік оқу

Мерзімі:

Іх тарау. Жаздыгүн шілде болғанда

Сабақтың тақырыбы: Шілде. Міржақып Дулатов

Мақсаты:

1. Білімділік: Шілде айында болатын жағдайларды, істелінетін жұмыстар жайлы айта келе, оқушыларды түсініп оқып, өзіндік пікір айтуға үйрету.

2. Дамытушылық: Тілін, сөздік қорын, сөйлеу қабілетін дамыту;

3. Тәрбиелік: Табиғатты сүюге баулу.

Әдісі: сұрақ-жауап, түсіндіру, әңгімелеу.

Көрнекілігі: оқулық, суреттер, сызба.

Сабақтың барысы:

І Ұйымдастыру кезеңі: Оқушылармен амандасу. Түгендеу. Сынып тазалығына көңіл бөлу. Назарларын сабаққа аудару.

Мұғалім Балалар (хормен) - Әрбір адам?-Туысым, досым.

- Әрбір сабақ?-Үйрену, ұғу, ұлағат. - Әрбір ісің?-Тірлік, тірек, адамдық. - Әрбір сөзің?-Шындық, бірлік, адалдық.

- Олай болса, балалар, бүгінгі сабағымызды бастаймыз.

ІІ. Үй тапсырмасын сұрау: Абайдың «Жаз» өлеңін жатқа сұрау. Сұрақ-жауап арқылы баға беріп, үй тапсырмасын бекіту.

ІІІ. Үй тапсырмасын пысықтау: Жаздыгүні табиғат қандай болады?

Жан- жануарлардың жазғы тіршілігі туралы не білесің?

Жазда жайлауда болдың ба?

Болсаң не айтар едің?

ІҮ. Мақсат қою кезеңі: 1.Сабақтың мақсатын, тақырыбын хабарлау. 2.Жаңа сабаққа даярлық. Суретке қарап жаз жайлы білетініңді айт.

Ү.Жаңа сабақ: Оқулықпен жұмыс: Мәтінді түсініп, іштен, дауыстап, жалғастырып оқы. Мәтінді бөліктерге бөл:

Шілде.

Жаз келіп, шілде жетті. Шілдеде күн ұзын, түн қысқа болады. Күннің ыстығы соншалықты – тас пен құм қызып кетеді. Шілдеде піспеген шөп қалмайды. Мінілмеген, жұмысқа салынбаған мал семіріп, желідегі құлындар ғана жүдеу болады. Бұл – қымыз молайып, қозы піскен кез. Ел жайлауда бірін-бірі қонақ қылып, қазақ салты өз алдына бір қызық. Қыз ұзатса, ұл туса, жұрт жиналып той болып, ат шаптырып өткізеді. Осы кезде қазақ бұрынғыдай алысқа көшпейді. Бұрын жердің еркін шағында жүз елу, екі жүз шақырымдай жерге көшіп-қонып жүреді екен.

Үлкендер сол күндерін қазір қатты сағынып, сөз қылысады. Шөп шабатын мезгіл де жетті. Бозбалалар жайлаудың қызығын қиып кете алмай жүр.

Қазақ шөпті бел орақпен шабады. Ат машина жаңа тарап келеді. Оқудағы балалар да жаздай қымыз ішіп тынығып, енді сабаққа баратын күндерін санап жүр.

1. Басы: Жаз келіп, шілде жетті. Шілдеде күн ұзын, түн қысқа болады. ...

2. Ортасы: Үлкендер сол күндерін ...

3. Соңы: Қазақ шөпті бел орақпен шабады. ...

Әр бөлікке ат қой. 1. Жазда. 2. Жайлаудың қызығы. 3. Оқуға бару.

Сергіту сәті. Орнымыздан тұрайық,

Алақанды ұрайық.

Бір отырып, бір тұрып,

Біз шынығып алайық

ҮІ. Жаңа сабақты пысықтау: Жоспар бойынша шілде айы туралы әңгімеле.

ҮІ. Қорыту: Бүгінгі сабақта қандай тақырып өттік?

Міржақып Дулатов шілде айы жайлы не дейді?

ҮІІ.Үйге тапсырма. Оқу, әңгімелеу.

Бағалау

Бекітемін:________________