Әдебиеттік оқу
Мерзімі:
Үііі тарау. Табиғат-менің өз үйім.
Сабақтың тақырыбы: Көжек (Ертегі)
Мақсаты:
Білімділік: Туған жер, аяушылық жайлы түсінік бере отырып, оқушыны түсініп оқуға, ойлап сөйлеп, ойын жеткізе білуге үйрету;
Дамытушылық: Сөйлемді дұрыс құрып, ой-қиялын тиянақтай білуге дағдыландыру;
Тәрбиелік: Аяушылық, қорқыныш, мейрімділік сезімін сезе білуге, туған жерге деген сезімін арттыруға баулу.
Сабақтың түрі : аралас.
Көрнекілік: оқулық, қоянның суреті.
Сабақтың барысы:
І. Ұйымдастыру кезеңі: Сабаққа даярлық,оқушылардың зейінін сабаққа аудару. «Балалар,сендер сабаққа зейін қойыңдар. Іштеріңнен: «Мен жақсы адаммын, мен әйбәтпін!» деп бірнеше рет қайталаңдар. Бір- біріңе қарап, жымиыңдар.»
ІІ. Жаңа сабақ: Оқулықпен жұмыс. Ертегіні түсініп оқу. Шаруаның көжекке аяушылықпен айтқан сөзін білдіріп тұрған сөздерді тауып оқы. (- Сорлы көжек! Балаға рақымсыз шешең сені тастаған соң, ...). Көжектің қорқынышты халі суреттелген жерді тауып оқы. ( Әрқайсысы қолына бір-бір шыбық жасап алып, ...) Мәтіннің соңындағы көжектің сөзін оқып, оның мәнін түсіндір.
Сұрақтарға жауап бер:
Т.Бердияров «Сұр қоян» айтқызу.
Сергіту сәті. Ұзын құлақ сұр қоян,
Естіп қалып сыбдырды
Ойлы-қырлы жерлермен,
Ытқып-ытқып жүгірді,
Қарап еді артына,
Қиығын салып көзінің,
Келе жатқан томпаңдап,
Көжегі екен өзінің.
1.Өлеңде нелер жайлы айтылған? Ж: Қоян мен көжек.
2.Көжек қандай аң? Ж: Көжек қорқақ аң.
3.Жауларынан қалай қорғанады? Ж: Жыл мезгіліне қарай терісі өзгеріп тұрады.
4.Көжектің қандай пайдасы бар? Ж:Етін жейміз, терісінен киімдер тігеміз.
Ендеше бүгінгі өтетін тақырыбымыз «Көжек» ертегісі
ІІІ. Пысықтау: «Жат жерде көзге түрткі болып өлгенше, мұз да болса, анамның тапқан жерінде өлемін!- депті.» қалай түсінесің? Әңгімелеп көр. Туған жердің ыстық, қымбат болатыны жайында бұрын оқыған мәтіндеріңді еске түсіріп көр. (Ж. Аймауытов. «Қартқожаның туған жері», С. Жүнісов «Кімнің мекені жақсы», Ө. Тұрманжановтың өлеңі «Туған өлкем» - 2 кластан; «Туған елім, туған жерім» атты тарауында «Туған ел» өлеңі, С. Мәуленов «Мен елімді сүйемін» т.б. ...)
Себебін анықта.
1.Неліктен көжекті шаруа үйіне алып келді?
Ж:Себебі, селкілдеп, дірілдеп мұзда жатқан соң жаны ашыды.
2.Неліктен көжек қашып кетті?
Ж: Себебі, шаруаның балалары маза бермеді.
3. Неліктен шаруа ашуланды?
Ж: Себебі, көжек өз туған жеріне қашып кете берді.
4.Неліктен көжек қашып кете береді?
Ж: Себебі, мұз да болса,туған жері ыстық болды.
Венн диаграммасы арқылы туған жерді салыстыр
Көжектің туған жері Ұқсастығы Шаруаның үйі
В) А) С )
4) Ертегінің басты идеясы неде?
А)Ұқсастығы: Екеуінің де туған жері бар.
В) Көжектің туған жерінің ерекшелігі: Мұздың үсті, суық, далада мекендейді.
С) Шаруаның үйінің ерекшелігі: Жылы үй, үйде тұрады.
ІҮ. Қорыту: Бүгін қандай тақырып өттік? Не жайлы білдік? Туған жер жөнінде мақал-мәтелдер айт. (Ит тойған жеріне, Ер туған еліне. Туған жердің түтіні де тәтті. Ел дегенде езіліп, Жұрт дегенде жұмылып істе. Туған жерің түсіңе кіреді. Елің- панаң, Жерің-анаң. ...)
Ү. Үйге тапсырма: мәтінді түсініп оқу, әңгімелеу.
Бағалау
Бекітемін:________________