8 Бейнелеме Гипертониялық криздің белгілері және мейіркештің әрекеттері

Науқастың шағымдары	Қарағанда
Бастың қатты ауырсынуы, әсіресе қарақұс пен самайда Құлақтың шулауы Лоқсу, құсу Бастың айналуы Жүрек маңайының ауырсынуы Көз көру қабілетінің нашарлауы К ейбір жағдайларда мұрыннан қан кету	Бетінің қызарыуы Көз тамырларының қанталауы Жүрек соғысының жиіленуі Қан қысымының шамадан тыс көтерілуі Науқастың беймазалануы Т амыр соғысының күшеюі

Мейіркештің әрекеттері

Дәрігерді шақыру Науқасты физикалық және психикалық тыныштандыру: бөлмедегілерден тыныштық сақтауын сұрап, жүйкеге әсерін тигізетін мәнбірлерді жою (ән, қатты жүру, жарық сәуле, қатты сөйлеу) Желкесіне қыша қою, аяғына ыстық емшараларды қолдану Әзірлеп қою: шприцтерді, қан қысымын төмендететін, тыныштандыратын дәрілерді Науқастың жалпы жағдайын қадағалап отыру: қан қысымын өлшеу, демін, тамыр соғуын санап, анықтау Мейіркеш дәрісін жүргізе отырып, науқастың бақылау құжатын толтыруы тиіс

Жүрек - қан тамыр жүйесінің ауруларындағы мейіркеш үдрісі

І кезең. Пациенттің мәселелерін табу.

Пациенттің нақты мәселелері:

• жүрек маңайының ауырсынуы;

• ентігу, тұншығу;

• ісіктің білінуі;

• жүрек соғуының бұзылуы;

• іш қуысына сары судың жиналуы (асцит);

• бастың ауыруы, бастың айналуы;

• естен тану;

Пациентте болуы мүмкін мәселелер:

• аурудың қайталама ұстамасы;

• тұншығудың әсерінен өлім сезімінің пайда болуы;

• жұмысқа деген қабілетінің төмендеуі;

• төсек тәртібін сақтау мен орындау мақсатында, қозғалыстың аз болуына мәжбүрлейді;

• мүгедектікке ұшырау;

• дәретке өз бетімен отыра алмау жағдайы;

ІІ –ші кезең. Мейіркеш диагнозын қою.

Қан айналу қызметінің бұзылуымен байланысты барлық нақты және болуы мүмкін мәселелерге сүйене отырып қойылады.

ІІІ – ші кезең. Күтім шараларын жоспарлау.

Қысқа уақытқа бағытталған мүмкіншілік мақсаттар:

• жүрек маңайындағы ауырсынуды басу;

• бастың ауырғанын басу;

• демікпені басу;

• естен тану жағдайында көмек көрсету;

Ұзақ уақытқа бағытталған мүмкіншілік мақсаттар:

• қан қысымды қалыпқа келтіру;

• жүрек маңайындағы ауырсынуды болдырмау;

• ауруханадан шығару мезгіліне қарай ентікпені басу және болдырмауға тырысу;

• науқас жағдайын ісікке дейін жеткізбеу;

• емдәмді қатаң түрде сақтауға дағдылату;

• ауруханадан кейін науқас өзінің қозғалу тәртібі туралы мағұлмат алады;

• шұғыл жағдайларда өзіне өзі көмек көрсете алады;

Іv кезең. Жоспарланған жұмысты жүзеге асыру.

Мейіркештің араласулары:

• тәуелді – дәрігердің нұсқауын орындау, науқастың тексерістеріне қатысу;

• тәуелсіз – науқастың жағдайын қадағалап және бақылау: ыңғайлы жағдай көрсету, демін, тамыр соғуын санау, дене қызуын, қан қысымын өлшеп бақылау құжатына тіркеу;

• бір – біріне тәуелділік қатынастар – жеке бастың гигиеналық тазалығын сақтау, науқастың жазылуына психологиялық күйде бағыттау, қолданған емнің әсерлігін бағалау, науқаспен және оның туыстарымен педагогикалық аспектіде жұмыс істеу.